Escocia
De Uiquipedia
|
|||||
| Llema rial: Nemo me impune lacessit (Del llatín: Naide me provoca con impunidá) | |||||
 |
|||||
 |
|||||
| Idiomes | Inglés (de facto), Gaélicu escocés , Lallans | ||||
| Capital | Edimburgo | ||||
| Ciudad más grande | Glasgow | ||||
| First Minister | Jack McConnell MSP | ||||
| Superficie - Total - % agua |
Llugar n° 2 78.782 km² 1.9% |
||||
| Población - Total (2001) - Densidá |
Llugar n° 2 5.062.011 64/km² |
||||
| Moneda | Llibra esterlina (£) (GBP) | ||||
| Husu horariu | WET (UTC; UTC+1 en verano) | ||||
| Himnu nacional | Flower of Scotland (non oficial) | ||||
| Códigu telefónicu | 44 | ||||
Escocia ye la nación más al norte de les cuatro que formen el Reinu Uníu que s'estiende sobre un terciu de la superficie total de Gran Bretaña. El nome d'Escocia vien del términu llatinu Scottia que significa tierra de los escoceses (scots), en gaélicu escocés nómenla Alba.
Escocia abarca alrodiu de 81.610 km², con una llonxitú de 441 km de norte a sur, y varía ente 39 y 248 km de la costa este a la oeste. Ta dividía en dos áries xeográfiques: les tierres baxes y les tierres altes escoceses.
Anguañu tien una población de dalgo más de cincu millones d'habitantes, con una densidá media de 66 persones/km².
La llingua oficial ye l'inglés anque en delles zones del norte y oeste conservase'l gaélicu y la llingua escocesa que ye una llingua anglosaxona, considerada por dalgunos un dialeutu del inglés y por otros una llingua independiente desta.
La flor nacional ye'l cardu, anque'l brezu cubre abondes fasteres de páramos y ta tamién ampliamente asociáu al país, proporcionando turba pal fueu y xunto colos llíquenes, tintes pa decorar los tartanes.
Los ellementos culturales por escelencia son la gaita, el kilt y el güisqui, xunto col sistema social basáu nos clanes.
La so capital ye Edimburgo (Dùn Èideann). Con una población de alredor de 500.000 habitantes, bona parte dellos estudiantes, ye mundialmente famosu pol so festival anual. Nomada l'Atenes del norte, ye la sé del parllamentu escocés y la puerta a les mítiques tierres altes escoceses.
Un de los sos puntos xegráficos más importantes ye Culloden, nel norte'l país, a la vera de la ciudá d'Iverness. Foi ehí onde, nel añu 1746, hebo'l caberu enfrentamientu ente les tropes ingleses del Duque de Cumberland, tamién conocíu como El Carniceru, y les escoceses del príncipe Carlos Eduardo Estuardo, nel que les tropes del Imperiu Británicu arrollaron a les escoceses, poniendu fin a les pretensiones del príncipe escocés y sentenciandu l'adhesión del país celta al Imperiu (adhesión vixente anguañu). Entá güei, ente la sociedá escocesa, esti ye un de los sos enclaves más respetáos nel que, ente otres coses, consérvase intactu el campu batalla, asina como un edificiu de la época, y nel que entá asgaya escoses van tolos años a rendir homenax a los cayíos na batalla.
| Países d'Europa | ||
| Albania | Alemaña | Andorra | Austria | Azerbaiyán | Bielorrusia | Bélxica | Bosnia-Herzegovina | Bulgaria | República Checa | Chipre | Croacia | Dinamarca | Eslovaquia | Eslovenia | España | Estonia | Finlandia | Francia | Grecia | Holanda | Hungría | Irlanda | Islandia | Italia | Letonia | Liechtenstein | Lituania | Luxemburgu | República de Macedonia | Malta | Moldavia | Mónaco | Montenegru | Noruega | Polonia | Portugal | Reinu Uníu | Rumanía | Rusia | San Marino | Serbia | Suecia | Suiza | Turquía | Ucrania | Vaticano | Xorxa | ||
| Posesiones: Islles Feroe | Xibraltar | Guernsey | Jan Mayen | Jersey | Irlanda del Norte | Islla de Man | Svalbard | ||
