Scotland

Frae Wikipedia

Scotland (Inglis/Scots)
Alba (Gaelic)


(Banner)	(Coat o Airms)

Royal motto: Naebodie chaws me wi impunity;
tradeetional Scots renderin: Wha daur meddle wi me?)
(Laitin:Nemo me impune lacessit

Scotland's airt the UK

Offeecial leid

Nane; Inglis de facto; Gaelic haes some legal status; Scots gien some recogneetion forby

Caipital

Edinburrie

Lairgest ceety

Glesca

First Meenister

Jack McConnell

Area
- Tot
- % watter

Ranked 2nt UK
78,782 km²
1.9%

Population
- Tot (2001)
- Density

Ranked 2nd UK
5,062,011
64/km²

Foondin

Kenneth MacAlpin, 843

Siller

Poond sterling (£) (GBP)

Time zone

UTC, Summer: UTC +1

Naitional sang

Flouer o Scotland
Scotland the Brave
Scots Wha Hae
(de facto)

Naitional flouer

Thristle

Patron saint

Sanct Andra

Internet TLD

.uk¹

Cawin code

44¹

(1) Shared wi Ingland, Wales an Northren Irland.

Scotland (Gaelic: Alba) is a kintra in nor-wast Europe, takkin up the northren thrid o the Breetish island. The laund haes til its sooth the laund o Ingland, an is bund bi sea an ocean on aw ither sides.

Hit aforetimes wis a free kinrick, but then Scotland gaed intil a personal union wi Ingland in 1603, whan Jamie the Saxt o Scotland becam James I o Ingland efter the daith o Elizabeth I. This union wis makkit formal on 1 Mey, 1707 bi the Act of Union. The Scots Pairlament wis gotten rid o on 26 Mairch. The union southert baith kinriks, makkin the Kinrick o Great Breetain, wi a new single Pairlament haudden in Wastmeenster, Lunnon, but some pairts o Scotland's institutions, notably the laund's naitional kirk an education an legal seestems, wis hauden apairt. In 1801, Scotland becam ane o the three launds o the Unitit Kinrick, alang wi Ingland and Irland (nou juist Northren Irland). Wales is nou seen for uisal as anither laund altho it wis juist a principalitie o the kinrick o Ingland in 1707.

In 1997, the Scots fowk voted tae hae a new pairlament, estaiblisht bi the UK government in the Scotland Act 1998. The nou devolved Scots Pairlament haes been gien the pouer tae govern the laund on maist Scots maiters, but haesna ower muckle pouer wi taxes altho it dis hae the pouer tae chynge the UK income tax rate by 3p in the poond.

Scotland's size is maistly that estaiblisht bi the 1237 Treaty o York atween Scotland an Ingland an the 1266 Treatie o Perth atween Scotland an Norrowey. Exceptions is the Isle o Man, that is nou a croun dependency ootwi the Unitit Kinrick, Orkney an Shetland, that is nou Scots raither nor Dens, an Berwick-upon-Tweed, that wis defined as subject tae the laws o Ingland bi the 1746 Wales an Berwick Act.

The patron saint o Scotland is Sanct Andra, an Sanct Andra's Day is on 30 November but it haesna been muckle celebratit syne the Reformation.

[edit] Etymology (Wird Beginins)

The wird Scot- wis taen frae the Laitin an its uiss micht weel date fae aboot the first hauf o the 10t century, whan it first appeared in the Anglo-Saxon Chronicle an harkent tae the Laund o the Gaels, analogous tae the Laitin Scotia. Scots kings adoptit the teetle Basileus/Rex Scottorum (= Heich King/King o the Gaels, basileus meanin sovereign in Greek, an rex meanin king in the Laitin) an Rex Scotiae (King o Gael-Land) some time in the 11t century, likely influenced bi the style Imperator Scottorum kent tae hae been uised bi Brian Bóruma in Irland in 1005. In modren times the wird "Scot" is uised equally for aw indwallers nae maiter wha their forebeirs wis. This is acause the kintra his haed a ceevic raither nor a single kin orientation for maist o the last thoosand year.