Mohandas Gandhi

De Uiquipedia

Mohandas Karamchand "Mahatma" (sánscritu: gran alma) Gandhi (Devanagari: मोहनदास करमचन्द गांधी, Gujarati મોહનદાસ કરમચંદ ગાંધી) (2 d'ochobre de 1869 -30 de xineru de 1948) fue un de los padres fundadores del estáu de la India. La so filosofía yera facer la revolución dende'l pacifismu.

Gandhi ayudó a obtener la independencia de la India de Gran Bretaña, inspirando a otres colonies a trabayar pola so independencia. El principiu de Gandhi de satyagraha (sánscritu: verdá + camín), inspiró a xeneraciones d'activistes pro-democracia y antirracistes como Martin Luther King y Nelson Mandela.

Gandhi, que yera vexetarianu, estudió abogacía en Londres. Al regresar a la India lluchó escontra les medíes discriminatories usando como armes les fuelgues de fame y les manifestaciones pacífiques.

Cuando s'algamó la independencia, Ghandi trató de reformar la sociedá india, integrando les castes más baxes y desarrollando les zones rurales. Defendía la llibertá relixosa, aceptando musulmanes en territoriu hindú, lo que-y llevó a la muerte a manos de Nathuram Godse, un fanáticu hindú.

[editar] Enllaces esternos

Vea les imáxenes de Commons sobre Mohandas Gandhi.

• Biografía completa (en castellanu)