Frjálslyndi flokkurinn
Úr Wikipediu, frjálsa alfræðiritinu
- Tveir aðrir íslenskir stjórnmálaflokkar hafa heitið Frjálslyndi flokkurinn: Frjálslyndi flokkurinn (1) (1926-1929) og Frjálslyndi flokkurinn (2) (1973-1974).
Frjálslyndi flokkurinn er íslenskur stjórnmálaflokkur, stofnaður var árið 1998 af Sverri Hermannssyni, fyrrverandi þingmanni Sjálfstæðisflokksins og bankastjóra Landsbankans. Meginstefnumál flokksins hefur ávallt verið barátta gegn núverandi aflamarkskerfi (kvótakerfi í daglegu tali) í stjórnun fiskveiða við Ísland. Í fyrstu kosningum sínum árið 1999 fékk hann 2 menn kjörna á Alþingi en í þeim næstu árið 2003 tvöfaldaðist sú tala og munaði ekki nema 13 atkvæðum að hann fengi einn til. Erfitt er að staðsetja hann til hægri eða vinstri í stjórnmálum, því þó hann hafi kennt sig við miðju-hægristefnu hefur hann fylgt vinstriflokkum á Alþingi í flestum málum öðrum en baráttunni gegn núverandi fiskveiðistjórnunarkerfi.
Helsta vígi Frjálslynda flokksins er á Vestfjörðum sem eru hluti Norðvesturkjördæmis. Flokkurinn hefur þó fylgi út um allt land.
Íslensk stjórnmál Þessi grein er hluti af greinaflokknum: Íslensk stjórnmál |
|
Núverandi formaður flokksins er Guðjón Arnar Kristjánsson og varaformaður er Magnús Þór Hafsteinsson.
[breyta] Kjörfylgi
| Alþingiskosningar | ||
|---|---|---|
| Kosningar | % atkvæða | þingsæti |
| 1999 | 4,2 | 2 |
| 2003 | 7,4 | 4 |
| Sveitarstjórnarkosningar | ||
|---|---|---|
| Kosningar | % atkvæða | fulltrúar |
| 2002: Reykjavík Ísafjarðarbær |
6,1 13,4 |
1 (15) 1 (9) |
