Sankti Pétursborg
Úr Wikipediu, frjálsa alfræðiritinu
Hnit: 59°57′ N 30°20′ A
Sankti Pétursborg (rússneska: Санкт-Петербург) er borg sem stendur á Kirjálaeiðinu við ósa árinnar Nevu þar sem hún rennur út í Kirjálabotn í Norðvestur-Rússlandi. 4,7 milljónir bjuggu í borginni árið 2002. Borgin var sett á stofn af Pétri mikla árið 1703 sem evrópsk stórborg og var höfuðborg Rússlands fram að Októberbyltingunni 1917. Á sovéttímanum 1924 til 1991 hét borgin Leníngrad og héraðið umhverfis hana heitir enn Leningrad Oblast.
