Aries (Stärebild)

Vu Wikipedia, der fräier Enzyklopedie.

Date vum Stärebild Aries
Lëtzebuerger Numm	Widder
Laténgesche Numm	Aries
Latein. Genitiv	Arietis
Latein. Ofkierzung	`Ari`
Lag	Ekliptik
Rektaszensioun	1h 46m bis 3h 30m
Deklinatioun	+31° 15´ bis +10° 20´
Fläch	441 Quadratgrad
Siichtbar op de Breedegraden	90° Nord bis 59° Süd.
Observatiounszäitraum fir Mëtteleuropa	Hierscht
Unzuel un Stären mat Gréisst < 3^m	2
Hellste Stär, Gréisst	α Arietis (Hamal), 2,01^m
Meteorstréim	Arietiden Delta-Arietiden
Nopeschstärebiller (vun Norden am Auerzeigersënn)	Triangulum Perseus Taurus Cetus Pisces

Stich des Sternbildes Widder

De Widder (laténgesch Aries) ass e Stärebild op der Ekliptik.

[Änneren] Beschreiwung

Den Aries ass e klengt awer markant Stärebild. Et läit südlech vum onopfällegen Stärebild Triangulum (Dräieck) a westlech vum Stärebild Pisces (Fësch). Déi hellste Stäre sinn α (Hamal), β (Sheratan) an γ (Mesarthim) a bilden eng gebéite Linn um Himmel.

De Widder gehéirt zu den Déierekreeszeechen, well d’Ekliptik duerch d’ Stärebild doduerch geet. D’Sonn hält sech all Joer vum 21. Mäerz bis den 20. Abrëll am Stärebild Aries op.

[Änneren] Geschicht

Ab der Antikitéit, viru méi wéi 2.000 Joer, luch de Fréijoerspunkt, de Schnëttpunkt vum Himmelsäquator mat der Ekliptik, am Stärebild Aries. Opgrond vun der Präzessiounsbewegung vun der Äerdachs verréckelt sech de Frèijoerspunkt lues no Westen. Ëm Christi Gebuert ass de Punkt an d’Stärebild Pisces gewandert.

[Änneren] Himmelsobjete

[Änneren] Stären

B	F	Numm	m	M	Lj	Spektralklass
α	13	Hamal, Elnath	2,01	0,48	66	K2 III
β	6	Sheratan	2,64	1,33	60	A5 V
c	41		3,61	0,16	160	B8 V
γ^1,2	5	Mesarthim	3,88	0,8	204	A1
δ		Botein	4,35	0,79	168	K2 III
		HD 20644	4,47	-2,0	640	K2 II-III
	39		4,52
ε	48		4,63	-0,13	293	A2 V
	35		4,65	-0,6	370	B3 V
λ	9		4,79	1,73	133	F0 V
ζ	58		4,87	-0,22	340	A1 V
	14		4,98	0,0	340	A1 V
κ	12		5,03		187	A2m
ι	8		5,09		660	G2 Ib
τ²	58		4,87		340	K3 III
	38		5,17
η	17		5,23		98	F5 V
π	42		5,26		600
τ¹	61		5,27		462	B5 IV
	53		6,13		750	O

den α Arietis ass mat enger schäinbarer Hellegkeet vun 2,01^m den hellste Stär am Stärebild Aries. Hien ass 66 Liichtjoer vun eis ewech a besëtzt den 15fachen Duerchmiesser an déi 90fach Liichtkraaft vun eiser Sonn.
De Numm Hamal ass arabesch a bedeit och „Widder“.

Den zweethellste Stär, β Arietis, ass 60 Liichtjoer vun eis ewech. Et handelt sech ëm een engt Duebelstäresystem, dat mat Teleskopen netz e gein ass. Erréischt spektroskopesch Ënnersich weisen, datt sech zwee Stäre an engem Ofstand vun 1,2 AU op extrem exzentresche Bunnen ëm e vereenten Schwéierpunkt bewegen.
Den arabesche Numm Sheratan, „déi zwee Zeechen“, bezitt sech dorop, datt de β an de γ Arietis an der Antikitéit de Fréijoerspunkt-Dagannuetgläiche markéierten.

Den 53 Arietis läit op enger Distanz vu 750 Liichtjoer. De blo-wäisse Stär huet eng schäinbar Hellegkeet vun 6,13^m. Miessungen vun der Eegebewegung weisen, datt sech de Stär mat enger ausseruerdentlecher héiger Vitesse vun 100 km/s bewegt. E gehéiert zu enger Grupp vu Stären, déi als „Runaway Stars“ (Ausräisser) bezeechent ginn. Méiglecherweis waren si eng Kéier Memberen vun engem Méifachstäresystem a goufen duerch eng Supernovaexplosioun oder duerch d’Laanschtzéien vun engem aneren System an de Raum geschleidert. Déi aner bekannten „Ausrräisserstär“ sinn AE Aurigae am Auriga an η Columbae an der Columba.