Koeweit

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Koeweit


Officieel taol	Arabisch
Hoofstad	Kuweit-stad
Staotsvörm	Constitutioneel Monarchie
Staotshoof	Emir Saad Al-Sabah (ad interim)
Groondgebeed % water	17.818 km² weineg
Inwuners	2,3 miljoen
Munt	Euro (EUR)
Tiedzaone	UTC +
Nationale fiesdaag	25 februari
Volkshymne	Al-Nashîd Al-Watani
Landcode	KWT
TLD	.kw
Tillefoon	+965

Koeweit (officieel دولة الكويت) is e klein land in Arabië, aon de Perzische Golf, mèt grènse aon Irak en Saoedi-Arabië. Hoofstad vaan 't land is ouch weer Koeweit. Koeweit besteit oet 'n relik vröchbaar kös mèt inkel (9) eilen en wijer oet weusde, en haolt ziene riekdóm oet de olie-industrie: 't land is ein van de olieriekste len te wereld.

[bewirk] Administratief indeiling

Koeweit is verdeild in zes gouverneminte (muhafazat):

Al-Ahmadi
Al-Frawaniyah
Al-Asimah
Al-Jahra
Hawali
Mubarak al-Kabir

[bewirk] Demografie

De inheimse bevolking is gans Arabisch, meh maak door de olie-industrie inmiddels neet mie de mierderheid oet. 55% is immigrant, veurnaomelik oet Iraan, India, Pakistan en väöl ander Arabische len. Islamitische employees höbbe dus dudelik de väörkeur.

[bewirk] Historie

Es deil vaan de Mesopotamische kös is Koeweit in de aajdheid ummer deil gewees vaan 't gebeed vaan 'n groete besjaving, wie de Soemeriërs, de Babyloniërs, de Assyriërs en de Perze. Alexander de Groete vereuverde ouch dit land; 't laog oongeveer op de grèns vaan zie riek. Nao 't oetereinvalle vaan dit riek kaom Koeweit iers aon de Seleucide meh al gaw aon de Parthe en de Perze. Vaanaof de achste iew regeerde de Perzische (islamitische) Abbaside-dynastie 't land.

In de zestiende iew woort Koeweit Arabisch wienie 'n groop Arabiere vaanoet 't binneland, woe hóngersnoed hiersde, nao de Perzische Golf trok. Ze verdraove de Perze en stiechde hun eige emiraot. Dit emiraot woort door de Osmaanse Törke vereuverd en deende es veurnaome tösseplaots op de handelstoete vaan Törkije en Arabie nao India. Aon 't ind vaan de negentiende iew lökden 't 't Vereineg Keuninkriek Koeweit vaan 't verzwakde Törkije aof te numme en in 1899 woort 't 'n officieel Brits protectoraot. In de jaore viefteg greujde de olie-export explosief: Koeweit bleek e paar vaan de groetste oliebrónne te wereld te höbbe. In 1961 woort 't land oonaofhenkelik. Koeweit greujde door zien olie oet tot ein vaan de riekste len te wereld meh waor dao zoe aofhenkelik vaan geweure tot 'n crisis in de oliemerret desastreus gevolge kós höbbe. In d'n Ierste Golfoorlog vaan 1980 tot 1988 waor 't verboonde mèt Irak. Toch voont d'n Iraaksen dicatator Saddam Hoessein 't nujeg Koeweit te claime en te annexere, wat heer op 2 augustus 1990 deeg. Heimèt begós de Twiede Golfoorlog. In 1991 veel 'n alliantie vaan 34 len oonder leiing vaan de Vereinegde Staote 't bezatte Koeweit in en dwónge de Irakee tot euvergaaf. Oet vraokzöch stoke de Iraakse soldaote in opdrach vaan Hoessein alle oliebrónne in brand; 't doorde maonde ietot me die brande oonder control had. Sinsdeen heet 't land permaninte aonwezegheid vaan Amerikaanse legers gere geaccepteerd.

Len in Azië
Afganistan \| Armenië² \| Azerbaidzjan¹ \| Bahrein \| Bangladesj \| Bhoetaan \| Börma \| Broenai \| Cambodja \| Cyprus² \| Filipiene \| Georgië² \| India \| Indonesië \| Iraan \| Irak \| Israël \| Japan \| Jeme \| Jordanië \| Katar \| Kazachstan \| Kirgizië \| Koeweit \| Laos \| Libanon \| Maledive \| Maleisië \| Mongolië \| Nepal \| Noord-Korea \| Oesbekistan \| Omaan \| Oos-Timor \| Pakistan \| Palestiense Staot \| Papoea Nuuj-Guinea \| Rösland¹ \| Saoedi-Arabië \| Singapore \| Sjina³ \| Sri Lanka \| Syrië \| Tadzjikistan \| Thailand \| Törkieë \| Turkmenistan \| Vereinegde Arabische Emirate \| Viëtnam \| Zuud-Korea
Aafhenkelike gebejer: Akrotiri en Dhekelia² \| Gazastrook \| Hong Kong \| Makau \| Westelike Jordaanover
Status betwis: Palestiense Staot \| Sjina (nationalistisch) \| Sjina (volksrippebliek) \| Törks Cyprus
1. Dit land ligk gedeiltelik in Europa. 2. Dit land ligk geografisch in Azië, meh weurt óm cultureel en historische raejes bie Europa ingedeild. 3. Sins 1949 oonder twie regeringe verdeild.