Sri Lanka

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Sri Lanka


Officieel taol	Sinhalees, Tamil
Hoofstad	Colombo
Staotsvörm	Rippebliek
Staotshoof	Chandrika Kumaratunga (sins 1994)
premier	Mahinda Rajapakse
Groondgebeed % water	65.610 km² 1,3%
Inwoeners	19,6 miljoen
Munt	Srilankese Rupee (LKR)
Tiedzaone	UTC +6
Nationale fiesdaag	4 fibberwarie
Volkshymne	Sri Lanka Matha
Landcode	LKA
TLD	.lk
Tillefoon	+94

Sri Lanka (vreuger Ceylon, officieel (Sinhalees) Sri Lankā Prajathanthrika, (Tamil) Samajavadi Janarajaya) is 'n eiland en land te zuidweste vaan India. 't Weurt bevolk door Sinhaleze in 't zuidweste en Tamils in 't noordooste. Hoofstad is Colombo, ander stei zien Dehiwala-Mount Lavinia, Moratuwa en Jaffna. Sri Lanka ligk vaanajds cultureel tege India aon, meh is in mierderheid boeddhistisch.

[bewirk] Administratief indeiling

Sri lanka is in nege provincies verdeild:

Centraol-Sri Lanka
Oos-Sri Lanka
Noord-centraol Sri Lanka
Noord-Sri Lanka
Noordwes-Sri Lanka
Sabaragamuwa
Zuid-Sri Lanka
Uva
Wes-Sri Lanka

De provincies die mèt windstreike en/of "centraol" aongegeve zien höbbe 'nen officiële naom in 't Ingels.

[bewirk] Demografie

De mierderheid vaan de bevolking, oongeveer 74% percint vaan de bevolking, is Sinhalees. Die spreke 'n Indo-Europese taol, verwant aon de Indische taole wie 't Hindi. De res vaan de bevolking is groetendeils (18 pcp.) Tamil. Hun taol is Dravidisch en weurt ouch in India gesproke. De Tamils stoon ouch korter bij India op religjeus gebeed: ze zien hindoes geblaove, dewijl de Sinhaleze ziech mierendeils tot 't boeddhisme bekierd höbbe. Wijer is 8% percint vaan de bevolking islamitisch en nog ins 8% christelik, de gevolge vaan Arabische handelscontakte respectievelik Europees kolonisatie.

De oorsprunkelike bewoeners vaan Sri Lanka, de Vedda's, zien stèrk in de meenderheid en weure lanksemaon in de Sinhaleze geassimileerd.

[bewirk] Historie

In 483 v.Chr. trok prins Vijaya, verbanne oet noord-India, mèt e paar hoonderd strijers oet zie vaojerland eweg en stiechde 'n kolonie op Sri Lanka, wat al in de Veda's geneump woort en altied Lanka hètde in Indische moond. Roond 300 v.Chr. kaom 't boeddhisme aon op 't eiland. Vreemp genoog is ooduddelik wienie de Tamil 't eiland in bezit naome; umtot hun oorspunkelik land evels kortbij is en 't tösseligkend water oondeep, is 't waorsjijnlik tot ze al iewelaank eweg en trök nao 't eiland kóste reize. In de Middeliewe waor 't vaan tied tot tied oonrösteg, dewijl de Tamils ziech roond de dertiende iew definitief in 't noorde vestegde.

D'n iersten Europeaon dee Sri Lanka besjreef waor Marco Polo, dee 't land in 1292 bezoch. De Portugeze vestegde in 1505 hun ierste handelpos dao en breide hun kolonies dao stèlselmaoteg oet. Nao conflicte vaan de Nederlande mèt Portugal vereuverde de ierste 't eiland in 1655. Dit blaof zoe tot in 1796 de Britte alle Nederlandse kolonies annexeerde. In 180 woort Sri Lanka officieel 'n kroenkolonie. In de negetiende iew weurt 't eiland door de Britte gebruuk veur 't verbouwe vaan thee en kaneel. Tegeliek mèt Brits Indië weurt Sri Lanka in 1948 oonaofhenkelik.

Vaanaof deen tied waor 't land veurnaomelik in de greep vaan opstendege Tamils. In 1959 woort de premier vermaord, boemèt 'ne jaorelangen oorlog zouw beginne. De regering kaom de Tamils hei en dao tegemoot, zoe woort ouch 't Tamil tot officieel taol gemaak, meh de strijd góng door, en kaom in de jaore tachteg tot 'n huugdepunt. In 1987 woort e bestaand geslote, wat drei jaor staandheel. In 2002 woort obbenuits e bestaand euvereingekómme. De Tamil-tiegers höbbe e good deil vaan 't land onder hun absolute control. De tsunami vaan 26 december 2004 brach de partije e bitteke korter bijein.

Len in Azië
Afganistan \| Armenië² \| Azerbaidzjan¹ \| Bahrein \| Bangladesj \| Bhoetaan \| Börma \| Broenai \| Cambodja \| Cyprus² \| Filipiene \| Georgië² \| India \| Indonesië \| Iraan \| Irak \| Israël \| Japan \| Jeme \| Jordanië \| Katar \| Kazachstan \| Kirgizië \| Koeweit \| Laos \| Libanon \| Maledive \| Maleisië \| Mongolië \| Nepal \| Noord-Korea \| Oesbekistan \| Omaan \| Oos-Timor \| Pakistan \| Palestiense Staot \| Papoea Nuuj-Guinea \| Rösland¹ \| Saoedi-Arabië \| Singapore \| Sjina³ \| Sri Lanka \| Syrië \| Tadzjikistan \| Thailand \| Törkieë \| Turkmenistan \| Vereinegde Arabische Emirate \| Viëtnam \| Zuud-Korea
Aafhenkelike gebejer: Akrotiri en Dhekelia² \| Gazastrook \| Hong Kong \| Makau \| Westelike Jordaanover
Status betwis: Palestiense Staot \| Sjina (nationalistisch) \| Sjina (volksrippebliek) \| Törks Cyprus
1. Dit land ligk gedeiltelik in Europa. 2. Dit land ligk geografisch in Azië, meh weurt óm cultureel en historische raejes bie Europa ingedeild. 3. Sins 1949 oonder twie regeringe verdeild.