Србија

Србија (српски: Србија или Srbija) е држава во југоисточна и средна Европа (Панонска Низина). На север Србија граничи со Унгарија, на исток со Романија и Бугарија, на југ со Република Македонија и Албанија, на југозапад со Црна Гора, и на запад со Босна и Херцеговина, и Хрватска.

Содржина

1 Историја
2 Демографија
- 2.1 Војводина
- 2.2 Косово
3 Поголеми градови
4 Македонците во Србија

[уреди] Историја

Корените на српската држава датираат од првата половина на 9 век. Кралството Србија е основано во 11 век, а во 13 век тоа еволуира во Српска Империја. По 1918 година, Србија е основачка членка на Југославија во нејзините различни форми (Кралство Југославија, Социјалистичка Федеративна Република Југославија и Сојузна Република Југославија). Од 2003 таа била составен дел од државната заедница Србија и Црна Гора сè до распадот на истата на 3 мај 2006.

[уреди] Демографија

На територијата на Србија без автономните покраини, доминантно мнозинство се Србите (88-90%), а од националностите се застапени Ромите и Бугарите во југоисточните краеви на Србија.

[уреди] Војводина

Во Војводина живеат повеќе од 26 етнички групи меѓу кои: Срби, Унгарци, Словаци, Хрвати, Црногорци, Романци, Македонци (во југоисточниот дел на Војводина), Роми и други.

[уреди] Косово

Во Косово живеат претежно Албанци и мал број Срби, Босанци, Турци, Роми, Македонци (Горанци) и други.

[уреди] Поголеми градови

Поголеми градови во Србија се: главниот град Белград (2.000.000 жители), Нови Сад, Ниш, Крагујевац и Приштина.

[уреди] Македонците во Србија

Во Србија живее и поголем број на Македонци, кои во покраината Војводина се признаени како национално малцинство меѓутоа не ги уживаат полните малцински права кои им следуваат, иако имаат можности за изучување на мајчиниот јазик и своја радио и телевизиска програма. Македонците во Србија најмногу се населени во Војводина (Качарево, Јабука, Зрењанин, Панчево) и главниот град Белград каде по последниот попис од 2002 година се попишани 8372 Македонци [1]. Македонците во Србија се организирани во своја македонска национална заедница на чело со Гојко Илиевски.