Струмица

Од Википедија, слободна енциклопедија

Струмица

(Грбот на Струмица)

(струмица ноќе)

Општина:

Струмица

Површина:

321,49 km²

Надморска височина:

280 m

Население:

35311 жители попис 2002

Поштенски код:

2400

Повикувачки број:

034

Општински код:

СР

Латитуда:

41° 22' N

Лонгитуда:

23° 45' E

Градоначалник:

Зоран Заев

Градот Струмица се наоѓа во југо-источниот дел на Република Македонија и со своите 35311 жители претставува најголем културен, трговски и политички центар во овој регион.

Струмица

[уреди] Население

Според пописот од 2002 година, во градот Струмица живеат 35311 жители, од кои

Македонци 32075 (90,84%)
Албанци 1
Турци 2642
Роми 130
Власи 3
Срби 157
Бошњаци 5
останати 298

[уреди] Историја

Споменикот на Гоце Делчев во Струмица

Градот Струмица постоел уште од X век п.н.е. кога бил познат под името Астраион. Во IV век н.е. после битката на Беласица, градот потпаѓа под византиска власт и го добива името Тивериополис. По основањето на Словенскиот јазик и инвазијата на Словените во текот на VI век в.н.е. градот добива словенско име добиено од истоимената река Струмица која тече во близина на градот. Наоди за историскиот развиток на Струмица се наоѓаат и на Струмичкото Кале, кое е во доминантна положба над самиот град и околијата.

Географски Струмица се наоѓа во центарот на геогравска Македонија и за разлика од други градови, Струмица отсекогаш припаѓала на Македонија уште со самото основање на античката држава Македонија во VII век п.н.е.

Струмица сè уште постои и функционира како град, а во неговата околина се наоѓаат уште 72 населени места, со чие население брои околу 150 000 жители.

[уреди] Личности

Проф. д-р Бранко Зеленков

[уреди] Стопанство

Струмица во Европа и светот е позната по нејзиното родно поле и природните квалитетни земјоделски производи од кои најпознати се лубеницата (бостанот), градинарските култури (домати и пиперки), тутунот и др. Во градот работат повеќе индустриски капацитети кои вработуваат голем број на работници. Најуспешни индустриски капацитети се текстилната индустрија „Герас Цунев“ и ЗИК „Грозд“ (познат по квалитетната „струмичка мастика“) кои ги пласираат своите производи и на странските пазари како САД, Русија и др. Во поново време се забележува голем развој на малостопанството, а застапени се и странските вложувања пред се од соседна Грција.

[уреди] Општина Струмица

Во центарот на градот се наоѓа општинската самоуправа, позната како Градско Собрание кое ги носи градските и општинските одлуки. Струмица е седиште на општината Струмица, која опфаќа 25 населени места и брои 54676 жители. Населени места во општина Струмица се: градот Струмица и селата: Баница, Банско, Белотино, Вељуса, Водоча, Габрово, Градско Балдовци, Дабиље, Добрејци, Дорломбос, Злешево, Костурино, Куклиш, Мемешли, Муртино,Орманли, Попчево, Просениково, Раборци, Рич, Сачево, Свидовица, Три Води и Чепели.

Општина Струмица

Во моментот градолначалник на општина Струмица е Зоран Заев.

[уреди] Туристички атракции

Струмица има и неколку настани кои заслужуваат епитет туристичка атракција. Тоа се големиот Струмички карневал [1], фестивалот на камерен театар „Ристо Шишков“, водопадите во Смолари итн.