Cecoslovacchia
Di Wikipedia, l'enciclopedìa lìbbira.
La Cecoslovacchia (n cecu: Československo, o n slovaccu: Česko-Slovensko) fu un paisi d'Europa cintrali di l'uttùviru 1918 ô 31 di dicèmmiru 1992 (sarvu duranti lu pirìudu 1938-1945).
Criata cu resti dû Mperu Àustru-Ungàricu, la Cecoslovacchia ragruppa ntôn Statu cechi e slovacchi, dui pùpuri di lingua vicina, cu Praga pi capitali.
Li dui "paisi" nzèmmula nun jannu tantu d'accordu: ê slovacchi nun piaci tantu lu straputiri dî cechi. Na prima divisiuni ci fu duranti la Secunna Guerra Munniali, fascisti slovacchi apprufìttanu dl l'Accordi di Mònacu ntô 1938 pi criari nu Statu ndipinnenti dirittu di Jozef Tiso e ca susteni a Girmania nazzista.
Doppu la Guerra, lu paisi è riunificatu. N sìquitu ê abbinimenti di Praga dû 1948, li cumunisti pigghianu lu putiri e la Cecoslovacchia è l'ùrtimu paisi di l'Europa di l'Est a passari dâ banna suviètica dâ "Cortina di Ferru". Na tìmida libbiralizzazzioni ntô 1968, chiamata Primavera di Praga, fici nterviniri li forzi dû Pattu di Varsavia e arrinchiùdiri lu paisi pi 20 anni.
Apprufittannu dâ pulìtica di tuliranza di l'Unioni Suviètica dicisa di Gorbaciov, lu paisi arritrova la sô libbirtati ntô 1989 grazzî â Rivuluzzioni di Villutu e apporta â sô testa lu dissidenti Václav Havel. Ma ntô 1993, è nevitàbbili fari na divisioni dû paisi e assinza viulenza fu spartuta la Cecoslovacchia nta dui Stati ndipinnenti: la Ripubblica Ceca e la Slovacchia. Chista divisione fu chiamata la "Spartuta di Villutu".
Rifirimenti: Tchécoslovaquie en français
