Cataloonje
From Wikipedia
Cataloonje (Cataloans: Catalunya, Spoans: Cataluña) is één van de 17 otonome regio's met oengeveer 7 miljoen inweuners in 't noordoostn va Spanje. 't Is, t'ope me 't Bask'nland, de moteur van de Spoanse economie en de mêest welvoarende regio van 't land. Den oofdstad is Barcelona.
Cataloonje eet e sterk identitietsgevoel me een eige toale en een eige parlement; en sins kort ook een eige statuut woarin dat er gesteld wordt da Cataloonje een noatie is binn Spanje. De Cataloanse bevolking is in 't algemeen vree jovioal en stoat oop'n voe nieuw bloed. In Spanje zelve zin de Cataloan wel gekend vie nogal up under geld te zittn.
[bewerk'n] Geschiedenis
De Cataloan addn zefbestuur sedert de vroege middeleeuwn. 't Eeste Cataloanse parlement dateert ut 'n elfde eeuwe. De goudn tyd van de Cataloanse geschiedenisse is roend de dertiende en viertiende eeuwe. In 1714 verliest Cataloonje 't recht op zelfbestuur. De Cataloanse toale en cultuur werdn me geweld verbann deur de Spaanse otoriteitn. De Cataloan kregen were e vorm va zefbestuur gedurende de Twède Spoanse Republyk in de joarn 1930.
Ten tyde va Generoal Franco werd de otonomie van 't gebied en zefs de toale sterk oenderdrukt. 't Is moa achter de dôod va Franco da ze were otonomie winn, met een eige parlement (De "Generelitat").
[bewerk'n] Geografie
Cataloonje is een styf ofwisselnde regio. Der zin bergn voe te skiën in 't noordn en meer of 100 kilometers kust (Costa Brava).
Cataloonje bestoat ut vier provinsjes (de noame van de oofdplatse is gelyk an de noame van de provinsje):
- Barcelona
- Gerona
- Lerida
- Tarragona
