Catalunya

Wikipedia (chū-iû ê pek-kho-choân-su) beh kā lí kóng...

Catalunya (Catalunya-gí: Catalunya, Se-pan-gâ-gí: Cataluña, Hoat-gí: Catalogne, Aran-gí: Catalonha) sī 1 ê tī Iberia Poàn-tó ê le̍k-sú bûn-hoà tē-tài, mā sī hiān-tāi Se-pan-gâ ê hêng-chèng khu chi-it, hō-chò Catalunya Chū-chú Siā-lí (Comunitat Autònoma de Catalunya), tī Se-pan-gâ tang-pak.

Bo̍k-lo̍k 1 Tē-lí 2 Keng-chè 3 Chèng-tī 3.1 Chèng-tóng 3.2 Chú-koân ūn-tōng 4 Le̍k-sú 5 Bûn-hòa 5.1 Gí-giân 6 Siong-koan ê bûn-chiuⁿ 7 Gōa-pō· liân-kiat

[siu-kái] Tē-lí

Catalunya lâm-pō· oá Valencia, se-pō· oá Aragón, pak-pō· oá Hoat-kok kap Andorra. Tang-pō·/tang-lâm oá Tē-tiong-hái. Pirineo Soaⁿ-lêng pō·-hūn tī Catalunya.

[siu-kái] Keng-chè

Tī 19, 20 sè-kí Catalunya sī Se-pan-gâ kang-gia̍p-hòa siōng jia̍t ê tē-khu chi it. Hiān-chú-sî Catalunya ê keng-chè-le̍k khah koân Se-pan-gâ pêng-kin.

[siu-kái] Chèng-tī

Catalunya ê chèng-hú (Catalunya-gí: "Generalitat", ì-sù sī thôan-thóng ê "Chiong-kun-hú") pun chò Gī-hōe, Chóng-thóng, Chip-hêng Úi-oân-hōe (Eng-gí: Executive Council). Gī-hōe lóng-chóng ū 135 se̍k, sī chèng-hú ê li̍p-hoat pō·-mn̂g. Chóng-thóng kap Chip-hêng Úi-oân-hōe sī hêng-chèng pō·-mn̂g, ē-kha pun 16 ê pō·-mn̂g. In sī Gī-hōe soán--chhut-lâi ê.

Catalunya pun 4 ê séng: Barcelona Séng, Girona (Se-pan-gâ-gí: Gerona), Lleida (Se-pan-gâ-gí: Lérida; Aran-gí: Lhèida), Tarragona. Comarca sī chú-iàu ê tē-hng hêng-chèng tan-ūi, kong-lêng khó-pí koān a̍h-sī kùn.

[siu-kái] Chèng-tóng

Chú-iàu ê chèng-tóng:

• Ha̍p-oá kap Cho·-ha̍p (CiU, Convergència i Unió): chèng-tóng liân-bêng; iù-phài/chú-koân phài
  • Catalunya Bîn-chú Ha̍p-oá (CDC, Convergència Democràtica de Catalunya)
  • Catalunya Bîn-chú Cho·-ha̍p (UDC, Unió Democràtica de Catalunya)
• Catalunya Kiōng-hô Chó-phài (ERC, Esquerra Republicana de Catalunya): chó-phài/chú-koân phài
• Catalunya Le̍k-sek Khí-kiâⁿ/Thoân-kiat Lēng-lūi Chó-phài (ICV-EUiA, Iniciativa per Catalunya-Verds – Esquerra Unida i Alternativa)
• Jîn-bîn Tóng (PP, Partit Popular): iù-phài/thóng-phài
• Catalunya Siā-hōe-chú-gī-chiá ê Tóng/Se-pan-gâ Siā-hōe-chú-gī Kang-lâng Tóng (PSC-PSOE, Partit dels Socialistes de Catalunya-Partido Socialista Obrero Español): chó-phài/thóng-phài

[siu-kái] Chú-koân ūn-tōng

Chú-iàu ê bûn-chiuⁿ: Catalunya chú-koân ūn-tōng

Catalunya bô chhin-chhiūⁿ Navarre iah-sī Euskadi hia ê Chū-chú Siā-lí ū ka-kī ê sòe-chè. Tong-tē chèng-hú ê keng-chè ki-chhó· chha-put-to lóng oá-khò tiong-ng chèng-hú pun--i. Catalunya chèng-hú jīn-ûi Catalunya lap ê sòe-kim khah chē cháu tùi kok-ka kim-khò·; in chú-tiuⁿ èng-kai ta̍t-sêng châi-chèng chū-chú. Tī 2005 nî 9 goe̍h Catalunya gī-hōe thong-kòe (120 tùi 15 phiò) chhú-tāi 1979 nî ê Catalunya Chū-chú Hoat (Estatut d'Autonomia de Catalunya) ê hoat-àn. Sui-bóng poah khioh-sòe koân (í-ki̍p ún-chún Catalunya siat pêng-hêng ê su-hoat hē-thóng) siong-tong ū cheng-gī, Se-pan-gâ kok-hōe iáu-sī tī 2006 nî 3 goe̍h thong-kòe (189 tùi 154 phiò) chi-chhî poah sin koân-le̍k hō· Catalunya chèng-hú. Chit ê àn tī siâng nî 6 goe̍h keng-kòe Catalunya kong-bîn tâu-phiò thong-kòe (75% chàn-sêng, ~50% tâu-phiò-lu̍t).

Tû-liáu ún-chún Catalunya chèng-hú hoāⁿ sin koân, sin pán Chū-chú Hoat mā kā Catalunya hō-chò "kok-ka" (nació). Chit ê hoat-àn ín-khí chin tōa ê gī-lūn. Cheng-gī ê tiong-sim khan-siap tio̍h Catalunya ê sin pán Chū-chú Hoat hām Se-pan-gâ Hiàn-hoat sī m̄ sī ū sio chhiong. 1978 nî ê Se-pan-gâ Hiàn-hoat tē 2 chiuⁿ ū siá Hiàn-hoat ê ki-chhó· sī "thóng-it, bē-tàng thiah-soàⁿ ê Se-pan-gâ Kok-ka (Nación)", m̄-koh siâng-sî mā kóng tio̍h "bîn-cho̍k kap tē-hng (nacionalidades y regiones) ū chū-chú koân".

[siu-kái] Le̍k-sú

Chit pha iáu-bōe ū lâng siá. Chhiáⁿ tàu pó·-chhiong lōe-iông.

[siu-kái] Bûn-hòa

[siu-kái] Gí-giân

Catalunya sī Catalunya-gí ê khí-chó· tē, mā sī siōng tiōng-iàu koh siōng tōa ê bó-gí tē-poâⁿ. Catalunya Chū-chú Hoat kui-tēng Catalunya-gí sī Catalunya 2 ê koaⁿ-hong gí-giân kî-tiong 1 ê; lēng-gōa ū Se-pan-gâ-gí (tē-ūi siū 1978 nî ê Hiàn-hoat pó-hō·). Tī Val d'Aran (Aran Soaⁿ-kok) hit khu (jîn-kháu 7000), Aran-gí (1 chióng Occitan-gí) mā hiáng-siū koaⁿ-hong tē-ūi. (Tian-tò tī Hoat-kok chit ê Occitan-gí khí-chó· ê só·-chāi bô koaⁿ-hong tē-ūi.)

Catalunya chèng-hú chèng-chhek-siōng thui-sak Catalunya-gí. Kong-ka ê kàu-io̍k kap chèng-hú koaⁿ-liâu thé-chè oân-choân iōng Catalunya-gí. Tong-tē ê Catalunya-gí mûi-thé chiap-siū chèng-hú chin chē pó·-chō·. Hoat-lu̍t kui-tēng khì-gia̍p ê bûn-àn tio̍h pau-koah Catalunya-gí (khó-pí kóng chhan-thiaⁿ ê chhài-toaⁿ). Chi̍t-kóa Catalunya-gí ê sú-iōng-chiá chú-tiuⁿ chit khoán pó-hō· chèng-chhek ū i ê pit-iàu-sèng, in-ūi ū thài chē chū-bîn kiau î-bîn bô o̍h a̍h-sī bô iōng Catalunya-gí. Siâng-sî mā ū kóa Se-pan-gâ-gí ê sú-iōng-chiá piáu-sī che sī khî-sī-sèng ê chèng-chhek, ûi-hoán in iōng Se-pan-gâ-gí ê bîn-koân. Chèng-chhek-bīn ê éng-hióng chō-chiâⁿ Catalunya-gí tī koaⁿ-hong kap ha̍k-su̍t-kài ná lâi ná kiông-sè, m̄-koh tùi gí-giân siā-hōe-sèng ê sú-iōng tō pí-kàu khah bô éng-hióng; bó-gí sī Se-pan-gâ-gí ê lâng pêng-siông-sî iû-goân chiàu-siông iōng in ê oē. ^{[Bô chhut-chhù]}

[siu-kái] Siong-koan ê bûn-chiuⁿ

• .cat

[siu-kái] Gōa-pō· liân-kiat

Wikimedia Commons ū koan-hē Catalunya ê to-mûi-thé tóng-àn.

• Catalunya Chèng-hú (Catalunya-gí, Se-pan-gâ-gí, Eng-gí)

Se-pan-gâ Hêng-chèng-khu
Se-pan-gâ chū-chú siā-lí: Andalusia | Aragon | Asturias | Balear Kûn-tó | Euskadi | Canaria Kûn-tó | Cantabria | Castile–La Mancha | Castile–Leon | Catalunya | Extremadura | Galicia | Madrid | Murcia | Navarre | La Rioja | Valencia
Se-pan-gâ chū-chú siâⁿ-chhī: Ceuta | Melilla
Sió chú-koân só·-chāi: Islas Chafarinas | Peñón de Alhucemas | Peñón de Vélez de la Gomera