Trigu
De Uiquipedia
| Trigo | ||||||||||||
|---|---|---|---|---|---|---|---|---|---|---|---|---|
 |
||||||||||||
| Clasificación científica | ||||||||||||
|
||||||||||||
| Espezies | ||||||||||||
Ref: ITIS 42236 2002-09-22 |
Escanda o Trigu(Triticum spp), ye’l términu que designa´l conxuntu de cereales, tanto semaos como xabaces, que pertenecen al xéneru Triticumr, son plantes añales de la familia de les gramines, ampliamente semaes per tol mundiu. La pallabra trigu designa tanto a la planta como a les sos biltes comestibles.
El trigu ye un de los tres cereales más producíos globalmente, xunto’l maíz y l'arroz, y el más consumíu pel home na civilización occidental dende antaño. El granu del trigu ye utilizáu pa facer farina, farina integral, sémola, cerveza y una gran variedá de productos alimenticios.
La pallabra «trigu» remanez del vocablu llatín triticum, col significáu de ‘quebráu’, ‘mazcáu’ o ‘triáu’, faciendo referencia a l'actividá realiza pa separtar el granu de trigu de la cascariella que lu recubre.
[editar] Hestoria
El trigu tien los sos oríxenes na antigua Mesopotamia. Les más antigües evidencies arqueolóxiques del semáu de trigu vienen de Siria, Xordania, Turquía e Iraq. Fai alredor de 8 milenios, un camudamientu o una hibridación asocedió nel trigu xabaz, dando llugar a una planta con biltes más grandes, ensin lo cuál nun podía habese disemináo pel vientu. Existen alcuentros de restos carbonizaos de granos de trigu almidoneru (Triticum dicoccoides) y buelgas de granos en barru cocíu en Jarmo (Iraq septentrional), dataes nel añu 6700 adC.
El trigu espoxigó al ser semáu pelos seres humanos, pues d'otra miente ésti nun podría espoxigar col mesmu éxitu n’estáu xabaz; esti fechu provocó una auténtica revolución agrícola nel denomináu creciente fértil. Simultáneamente, amansose a la oveya y la chiva, especies xabaces qu'habitaben la rexón, lo cuálo permitió l'asentamientu de la población y, desta miente, la formación de comunidaes humanes más complexes,demuestralo tamién el xurdimientu de la escritura, concretamente la Escritura cuneiforme, creá polos Sumerios, y, por tantu, el principiu de la hestoria y el fin de la prehistoria.
L’agricultura y la ganadería nacientes exigíen un cuidáu continu, lo que xeneró una conciencia del tiempu y les estaciones, obligando a estes pequeñes sociedaes a guardiar provisiones pa les époques menos xeneroses, teniendo en cuenta los beneficios que brinda'l granu de trigu al facilitar el so almacenamientu dúrante temporaes considerables.
El biltu de trigu foi introducida na civilización del antiguo Exipto pa dar aniciu al so semao nel valle del Nilo, dende los sos primeros periodos y d'ellí a les civilizaciones Griega y Romana. La diose griega del pan y de l'agricultura llamábase Deméter, cuyu nome significa ‘señora’, por derivación llatina trensformose en Ceres y d'ellí xurdió la pallabra «cereal».
En Roma, el gobiernu aseguraba'l mantenimientu de los ciudadanos ensin posibilidaes económiques abasteciendo trigu a un baxu preciu y regulando la molienda y fabricación del pan, ya que yera una práutica común na racionalización. La molienda y la coción yeren actividaes que se realizaben de forma conxunta, de tal mou que se diseñaben na antigua Roma molinos - fornos con una alta capacidá de producción.
El consumo del trigu y de pan nel Imperiu Romano revistió una gran importancia, confirmándose na Biblia, ya que d'acuerdu coles traducciones más exactes ye posible contar nel so testu 40 vegaes la pallabra «trigu», 264 vegaes la pallabra «pan» y 17 vegaes la pallabra «panes», acepciones estes últimes refiriéndose a pan de trigu o pan d'escanda (como yera vezu común naquella dómina),nes cites bíbliques son frecuentemente utilizaes pa referise al conceptu más ampliu del conxuntu de coses requeries pa vivir, como na espresión «ganase'l pan». Na parábola del semador faese referencia a l'adulteración de los granos, enfrentando'l trigu (la bondá) con la cizaña (la maldá).
Hasta'l sieglu XVII non se presentaron grandes avances nos métodos de semao y procesamientu del trigu. En casi toa Europa cultivose’l granu de trigu, mas que'n dalgunes rexones foi preferíu'l centenu y la cebada (especialmente nel norte). La invención del molín de vientu xeneró una nueva fonte d'enerxía, pero ensin variar pelo demás los métodos de trabayu usaos. Al fin del sieglu XVIII presentáronse dalgunos desarrollos mecánicos nel procesu de la molienda como aventadores, montacargues y métodos modernos pa transmisión de fuerza, colo cuál aumentóse la producción de farina.
Nel sieglu XIX apaez el molín de vapor con rodiellos o cilindros de fierru que representó un cambiu radical na molienda. El semáu del trigu foi aumentando a la par con estos y munchos otros desarrollos teunolóxicos, permitiendo meyorar el rindimientu de la planta y llegar a diverses rexones del planeta como Norteamérica y Oceanía. El mayor productor mundial de trigu foi por munchos años la Xunión Soviética, la cuála superaba los 100 millones de tonelaes de producción anuales. Actualmente China representa la mayor producción d’este cereal con unos 96 millones de tonelaes (16%), siguida pela India (12%) y por Estaos Xuníos d'América (9%).
