Astérix
Vu Wikipedia, der fräier Enzyklopedie.
Den Astérix ass den Haaptpersonnage aus de franséischen Astérix-Comicalbumen vum René Uderzo (Zeechnungen) an Albert Goscinny (Texter). Hien ass dem Obélix säi beschte Frënd a säi Numm kënnt vum franséische Wuert "astérisque" (*)
Inhaltsverzeechnis |
[Änneren] Synopsis
Mir sin am Joer 50 vru Christus. Ganz Gallien as vun de Réimer besat... Ganz? Neen! Ee gallescht Duerf wiert sech nach ëmmer verbruet géint d'Réimer, an do kommen si nët eran. An d'Garnisounsliewen ass nët liicht fir d'Légionären an de verschanzte Lagere vu Babaorum, Aquarium, Laudanum a Petibonum.
Sou fänkt all Geschicht mam Astérix a senge gallesche Kollegen un. An effektiv gëtt ee net fäerdeg mat zielen wann een sech d'Onmass vu Réimer ukuckt, déi ëmmer esou duerch d'Géigend fléien.
[Änneren] Geschichtleches
De Comic ass 1959 an der Zäitschrëft Pilote op d'Welt komm.
De Succès léisst sech vrun allem erkläre well all Mënsch iergendwéi matlaache kann, ob dat elo d'Kläppereie mat de Réimer sinn, oder Anachronismen wéi datt Lutezia am Stau ënnergeet. Natierlech duerf een déi immens Wuertspiller net vergiessen, déi een an de Nimm erëmfënnt.
Vum Album Le grand fossé (1980) un, huet den Albert Uderzo nom Doud vum René Goscinny alleng weidergemaach.
D'Häre Goscinny an Uderzo halen sech natierlech net ganz un d'historesch Tatsaachen, an sou ass de Comic voll mat falsche Biller iwwert d'Gallier:
- d'Endung vun den Nimm an ix: nëmme verschidde Cheffen haten en Numm dee mat rix opgehalen huet (vum laténgesche rex).
- all d'Hütten hunn e Schuachteg, dobäi hunn d'Gallier dat guer net kannt.
- den Druid Panoramix huet ëmmer säin Zeremoniekleed un.
[Änneren] Albumen
Lëtzebuergesch Iwwersetzungen (vum Lex Roth) sti bei de respektiven Albumen hannendrunner.
- Astérix le Gaulois (éischt Publikatioun:1959 - éischt Albumseditioun: 1961)
- La serpe d'or (1960-1962)
- Astérix chez les Goths (1961-1963) - Den Astérix an d'Goten (1993)
- Astérix gladiateur (1962-1964) - Den Astérix als Gladiateur (1991)
- Le Tour de Gaule d'Astérix (1963-1965)
- Astérix et Cléopâtre (1963-1965)
- Le combat des chefs (1964-1966)
- Astérix chez les Bretons (1965-1966)
- Astérix et les Normands (1966-1967)
- Astérix légionnaire (1966-1967)
- Le bouclier Arverne (1967-1968)
- Astérix aux Jeux olympiques (1968-1968) - Den Astérix op der Olympiad (1988)
- Astérix et le chaudron (1968-1969)
- Astérix en Hispanie (1969-1969)
- La zizanie (1970-1970)
- Astérix chez les Helvètes (1970-1970) - Den Astérix bei den Helveten (1996)
- Le domaine des dieux (1971-1971)
- Les lauriers de César (1971-1972)
- Le devin (1972-1972)
- Astérix en Corse (1973-1973)
- Le cadeau de César (1974)
- La grande traversée (1975)
- Obélix et compagnie (1976)
- Astérix chez les Belges (1979) - Den Astérix bei de Belsch (1989)
- Le grand fossé (1980)
- L'odyssée d'Astérix (1981) - Dem Astérix séng Odyssee (1990)
- Le fils d'Astérix (1983) - Dem Astérix säi Jong (1987)
- Astérix chez Rahàzade (1987) - Den Astérix beim Dranazàhd (1988)
- La rose et le glaive (1991) - Den Astérix d'Rous an d'Schwert (1991)
- La galère d'Obélix (1996)
- Astérix et Latraviata (2001)
- Astérix et la rentrée gauloise (2003)
- Le ciel lui tombe sur la tête (2005)
[Änneren] Wierker inspiréiert vum Astérix
- Les 12 travaux d'Astérix (1976)
- Astérix et la rentrée gauloise (1993)
- Comment Obélix est tombé dans la marmite du druide quand il était petit
- Uderzo croqué par ses amis
[Änneren] Mickymausen
- Astérix le Gaulois (1967)
- Astérix et Cléopâtre (1968)
- Les douze travaux d'Astérix (1976)
- Astérix et la surprise de César (1985)
- Astérix chez les Bretons (1986)
- Le coup du menhir (1989)
- Astérix et les Indiens (1994)
[Änneren] Filmographie
Et goufen och zwee Filmer gedréit, den éischte vum Claude Zidi, den zweete vum Alain Chabat ; De Christian Clavier an de Gérard Depardieu spillen den Astérix an den Obélix.
