Brómmele (Wienesrao)
Van Wikipedia
Dit artikel is gesjreve in 't Wienesraos. 't Weurt gewaardeerd óm in dit artikel 't Wienesraos aan te hauwe of aan te gaeve welk anger dialek gebroek is.
Brómmele is 'n buurtsjap va Wienesrao in de gemeënte Nut. 't Lik aan d'r zelfde weëg es 't gehuch Zjwier en de buurt Muëleveld. 't Besjteët oet óngevieër 15 hoëzer.
Aan d'r weëg naoë Gewuuëstraoë kik 'n groëte carréboerderie, d'r Brómmelerhaoëf (1884 en 1965), oet uëver de velder. Aan de Geleënbeëk sjteet De Brommeldermuële, 'n vuuërmalige kaoëremuële, die in de 15e ieëw al genump wuurt. Gedeëltelik in vakwerk. Brómmele wuurt aoch waal 't Muëleveld genump. Aan de uëverkant bevingk zich de Leopoldshaoëf. In 'n wei ligke de reste van 'ne oeërlogsbunker. Op de viersjprunk sjteet 'n hoes oet 1905 mèt 'n gesjmeëd iëzere kruuts op de moer. 't Is geboewd door ene Royen, dae d'r café, keëgelbaan, danszaal, sjmeëderie, mèlkhandel en taxibedrieëf in heël. In 1771 sjteët 't veldkruuts op deëze viersjprunk tösje Geweustrao en Hèllebrook, Zjwier en Gebrook op de Kabinetskaat va de Oeësteriekse Nederlande aagegeëve es 'n calvarie.
[bewirk] Muëleveld
De hoëzer van ge-Muëleveld ligke, in lintbeboewing, aan d'r weëg tösje Zjwier en Brómmele tösje-n 't Raoëderveld en 't Gewuuëstraoëderveld. De naam kump van de ligking i ge veld bie de vuurmalige kaoëremuële op de Geleënbeëk. De ouwe muëleweëg löp langs de Beëssebëek, die in Brómmele in de Geleënbeëk zal sjtruime.
|
|
 |
|---|---|
| Dörper: Hölsberg | Nut | Sjömmert | Vaosje | Wienesrao | |
| Buurtsjappe en gehuchte: Aolbaek | Arensgenhout | Op de Bies | Brand | Brómmele | Gekruts | Griëzegröbbe | Groat Hazel | G'n Hèl | Hèllebrook | Hómmert | Hunnekem | Kamp | Kathage | Klein Hazel | Kleingenhout | Laor | Lieëw | Nirve | Oansel | G'n Reuke | Tersjtraote | Tervoeësj | Vink | Wisjegrach | Zjwier | |
