Laor (Nut)
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Laor (Nederlands: Laar) ies 'n buurtsjap van Wienesrao, gelege in de gemeinte Nut in Zuud Limburg. De autobaan A 76 doorsjniejt de beboewing. Ein gedeilte huèrt bie de gemeinte Heële. In 2002 wone d'r 30 luuj. De Gelaenbaek sjtruimp in de buurt.
Veur winkele, kèrk en sjoal ies Laor ummer op Wienesrao aangeweze gewaes.
[bewirk] Hoes Laor
De carrévörmige Haof Laor, ies 'n euverbliefsel van 't Hoes Laor, ein lièn van de abdij van Rolduc. In 1262 behuèrt 't aan Gerard van Scheringen. In 1383 weurt ridder Gerard van Riètersjbeek (Gerieësjbrich) es liènhièr geneump. Diet gesjlach houw ouch 't good Hèllebrook in eigendóm. In de 17e ièw kump 't in heng van jónkhièr Reinier van Agris. 't Dan al vervalle hoes zal in de 18e ièw verdwiene. Op 'n kaart oet 1923 zint allein de grachte, die water kriege oet de Gelaenbaek, en de veurbörch nog te zeen. De pachhaof weurt ouch in de 18e ièw aafgebroke en vervange door de hudige nuujboew. De familie Drumme oet Wienesrao weurt in de 2e hèlf van de 19e ièw de eigenaer. De haof liek noe ingeklemp tösje 't sjpoor en de autobaan A76.
Aan de euverkant van 't sjpoor, op Heerlense gemeintegrónd bevingk ziech nog 'n groate boerderie, in baksjtein opgetrokke.
|
|
 |
|---|---|
| Dörper: Hölsberg | Nut | Sjömmert | Vaosje | Wienesrao | |
| Buurtsjappe en gehuchte: Aolbaek | Arensgenhout | Op de Bies | Brand | Brómmele | Gekruts | Griëzegröbbe | Groat Hazel | G'n Hèl | Hèllebrook | Hómmert | Hunnekem | Kamp | Kathage | Klein Hazel | Kleingenhout | Laor | Lieëw | Nirve | Oansel | G'n Reuke | Tersjtraote | Tervoeësj | Vink | Wisjegrach | Zjwier | |
