Vink (Nut)
Van Wikipedia
Dit artikel is gesjreve in 't Wienesraos. 't Weurt gewaardeerd óm in dit artikel 't Wienesraos aan te hauwe of aan te gaeve welk anger dialek gebroek is.
G'n Vink is 'n buurtsjap i Wiënesraoë in de gemeënte Nut geleëge tösje Hölsberg en Hunnekem.'t Gehuch lik hoeëg en aafgeleëge in 't veld baoëve de Vinkerbeëk, de Wiënesraoëderbeëk en 't natuurreservaat d'r Ouwe bösj. Vuur g'n sjoeël, g'n kèrk en de winkele zint de luuj aagewiëze op Wiënesraoë. G'n Vink kreëg pas in 1956 electriciteit.
In totaal sjtunt 'r óngevier 14 hoëzer, woëvan 'n aantal ouw carréboerderie. Boerderie Huntjens sjtamp oet 1857 vertèlt 'ne geëvelsjteen. Aan de helling langs d'r Pötweëg sjteet 't sjpekhoeës va Vink, 'ne haoëf geboewd in vakwerk en sjpeklaoëge.
Op de kruësing mèt d'r veldweëg naoë Hunnekem sjteet in d'r sjieëm van drie lingebuim 'n groëte baeëkapel, gewiejd aan Sleëvevrouw van Ummer doerende bieësjtand. Door de inwoënesj is in 1930 't initiatief genómme um 'n kapelke te boewe. In de loup der jaoëre is dat naoë achtere toe oetgeboewd, zoëdat d'r plaats kaoëm vuur 'n zestal banke en 'n altaor. 't Vruëger kapelke is noeë d'r ingank. 't Vierkentig gebuuwke mèt 'n zjwart tentdaak is opgetrokke oeët verweërde betónblök.
|
|
 |
|---|---|
| Dörper: Hölsberg | Nut | Sjömmert | Vaosje | Wienesrao | |
| Buurtsjappe en gehuchte: Aolbaek | Arensgenhout | Op de Bies | Brand | Brómmele | Gekruts | Griëzegröbbe | Groat Hazel | G'n Hèl | Hèllebrook | Hómmert | Hunnekem | Kamp | Kathage | Klein Hazel | Kleingenhout | Laor | Lieëw | Nirve | Oansel | G'n Reuke | Tersjtraote | Tervoeësj | Vink | Wisjegrach | Zjwier | |
