Sjömmert

Van Wikipedia

Dit artikel is in versjillende Limburgse dialekte gesjreve. Ómdat 't plaotsgebónje is maags doe 't ómzètte nao 't Sjömmerts, as te dit dialek sjpriks.

De kèrk van Sjömmert geboewd in kundersjtein.

Sjömmert (Nederlands: Schimmert) is e dörp in de gemeinte Nut en nao Nut zelf en Hölsberg de groatste kern. Sjömmert is, nao Ubachsberg, 't hoags gelaege kirkdörp van Nederland. Woa se ouch nao toe geis, doe mós ummer bergaaf, of se noe nao 't aangrenzende Hölsberg, Baek, Sjpawbaek of Nut geis. In 2002 wone d'r 3500 luuj.

Roosebeek is 'n buurt die in 't midde van Sjömmert lik. Ze besteit oet twej straote: de Rooseveltstraot en de Bekerbaan. De buurt haet 'n buurtvereiniging.
De Put ies 'n buurt besjtaonde oet de Mareweg, de Langsjtraot, de Vauwerhofwaeg en Rozemarijnsjtraot.

[bewirk] Buurtsjappe

Bie Sjömmert huère de buurtsjappe:

Oansel (Oensel)
Gekruts (Gekruis)
Groat Hazel (Groot Haasdal)
Klein Hazel (Klein Haasdal)
Op de Bies

[bewirk] Bezeenswaerdig

De watertaore van Sjömmert

Sjömmert is bekènd van ziene watertaore oet 1926, dae al van gans wied is te zeen. Eigelik sjteit deze in Haasdal. Architect Jos Wielders maakde 't óntwerp, dat vèlt ónder de sjtiel van de Amsterdamse sjoal. De huègde ies 38 maeter en de taore sjteit op 178 m baove A.P. 't Betonne reservoir haet 'n doorsjnee van 13,5 m., 'n deepde van 7.90 m en 'ne inhoud van 1150 m3 of 1.150.000 lieter.
In de Hoofsjtraot sjteit de neogotische kèrk gewiejd aan de heilige Remigius. Ze ies geboewd in kundersjtein op de fundamente van 'n ouwer kèrk. De pastorie sjtamp van 1898. Hie lik 'n aantal ouw häöf woa-ónder eine dae in vakwerk is opgetrokke.

[bewirk] Persone

In Sjömmert woort Gulielmus Lemmens gebore, dae van 1932 bies 1958 biesjop van 't biesdom Remung waor.

[bewirk] Legende

Euver Sjömmert geit ouch ein legende. Wie Karel de Groate 'ns verdwaald waor, zoog hae op ein gegaeve moment örges ein leech sjiene (Sjènne), en ein leech sjömmere (Sjömmert). Omdat hae zao dankbaar waor dat 'r de waeg weer truk houw gevônge, leet 'r oet dank op de plaatse wo hae 't leech zoog sjiene en sjömmere ein kapel boewe

[bewirk] Dörpsvereiniginge

Fanfaar St. Caecilia 1845
Voetbalvereiniging Schimmert 1940
Carnavalsvereiniging de Taarbreuk 1957
Toneelvereiniging Crescendo
Jong Nederland

Gemeinte Nut
Dörper: Hölsberg \| Nut \| Sjömmert \| Vaosje \| Wienesrao
Buurtsjappe en gehuchte: Aolbaek \| Arensgenhout \| Op de Bies \| Brand \| Brómmele \| Gekruts \| Griëzegröbbe \| Groat Hazel \| G'n Hèl \| Hèllebrook \| Hómmert \| Hunnekem \| Kamp \| Kathage \| Klein Hazel \| Kleingenhout \| Laor \| Lieëw \| Nirve \| Oansel \| G'n Reuke \| Tersjtraote \| Tervoeësj \| Vink \| Wisjegrach \| Zjwier