Hölsberg
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Hölsbergs, as te dit dialek sjpriks.
Hölsberg ies e dörp in de gemeinte Nut in Zuud Limburg. Op 1 januari 2005 woonde d'r 4300 luuj. Bies 1982 waor Hölsberg 'n zelfsjtendige gemeinte. Bie de gemeintelike herindeiling kaom 'n deil van 't gebeed van de veurmalige gemeinte Hölsberg bie de gemeinte Valkeberg. Hölsberg woort veur 't ièrsj vermeld in 1147 es Hulsberga.
De kèrk van Hulsberg is gewied aan de heilige Clemens. 't Kèrkgeboew dateert oorsjpronkelik oet 1820, meh ze woort ingriepend verboewd en vergruèt in 1908 en 1930. De glaas-in-loadvènstere zint gemaak door Hans Truyen. 't Örgel ies geboewd door de Mestreechse örgelboewersj Willem Theodoor Pieter Theo Pereboom en Jean Leyser en ies geplaats rónd de jaorwiesseling van 1871/1872. In 't instrument ies piepwerk oet de 18e ièw verwèrk.
Aan de sjoalsjtraot bevingk ziech 'n neogotisch kloaster, opgetrokke oet kundersjtein, van de zuustersj Franciscanesse. Zie gaove jaorelank ónderwies aan de lièger sjoal (Basissjoal) in Hölsberg.
De "Zendmast Hulsberg", 'n radio- en televisiemas, sjteit neet in Hölsberg meh in 't gehuch D'n Emmaberg, dat bie Valkeberg huèrt. Tot 1940 huèrde dit gehuch gedeiltelik bie de gemeinte Hölsberg.
[bewirk] Buurtsjappe
- Aolbaek
- Arensgenhout
- Kleingenhout
- D'n haof Wiesjegrach, 'n carréboerderie, ies e rieksmonument.
- De Heihaof, 'ne carrévörmige haof.
[bewirk] Dörpsvereiniginge
- Fanfaar St. Caecilea
- Fanfare St. Clemens (Arensgenhout)
- Drumband St. Rochus
- Dameskoar Laudate
- Carnavalsvereiniging de Beumerwaldersj
[bewirk] Extern links
|
|
 |
|---|---|
| Dörper: Hölsberg | Nut | Sjömmert | Vaosje | Wienesrao | |
| Buurtsjappe en gehuchte: Aolbaek | Arensgenhout | Op de Bies | Brand | Brómmele | Gekruts | Griëzegröbbe | Groat Hazel | G'n Hèl | Hèllebrook | Hómmert | Hunnekem | Kamp | Kathage | Klein Hazel | Kleingenhout | Laor | Lieëw | Nirve | Oansel | G'n Reuke | Tersjtraote | Tervoeësj | Vink | Wisjegrach | Zjwier | |
