Zjwier

Van Wikipedia

Dit artikel is gesjreve in 't Zjwiers. 't Weurt gewaardeerd óm in dit artikel 't Zjwiers aan te hauwe of aan te gaeve welk anger dialek gebroek is.

Zjwier, baoëve de Beëssebeëk 2002

Zjwier (Hollesj: Swier) is e gehuch in Nederlands Limburg. 't Is óngerdeël van de gemeënte Nut. Vuur 1982 huuërde Zjwier bie de gemeënte Wienesrao. Die gemeënte woeët in dat jaoër samegevoog mèt Nut. 't Gehuch lik op ene huëvelrök, deë parallel löp aan de Beëssebeëk (Bissebeek) en wuuët aan alle ziej umgeëve doeër groëte velder: 't Raoëderveld, 't Hèllebrokerveld, 't Gewuuëstraoëderveld en 't Huuëskesveld richting Klumme. In die velder ligke groëte boerehäöëf zoëwie de Brómmelderhaoëf, de Zjwierderhaoëf, de ouw Bóngert en de nuj Bóngert. De historie van die häöëf zou trukgaoë naö de Middeliëwe.

[bewirk] Historie

De Beëssebeëk

In archieve sjteët 't pleëtske in 1316 gesjriëve es Scarwirre, wat ploog of boewland beteëkent. Op 'n kaart oeët 1558 sjteët 't agegeëve es Schwyer, dat qua oeëtsjpraoëk 't zelfde klink wie Zjwier.

In de beënde woeë de Beëssebeëk en de Hölsbergerbeëk biej ee kómme zint uëverblieëfsele va fundamente van 'ne Romeinse villa gevónge. 'ne Andere villa zou in 't Gewuuëstraoëderveld höbbe gesjtange.

[bewirk] 't Dörp

Isidoruskapel

Midde i Zjwier sjteët 't Zjwierder kruutske, e iëzere weëgkruuts op de driesjprunk va d'r dörpsweëg en d'r Pötweëg (noeë Landweëg genump). Hie waoër vruëger 't centrum en verzamelpunt en kaoëme de luuj 't water haoële bie de dörpspómp. Die is doer de heëmkundevereëniging gerestaurierd. I ge veld sjtunt uëveral op de sjplitsinge weëgkrutser. Aan een van die kruësinge sjteët seër 2000 'n vierkentige, baksjteëne kapel gewiejd aan de heilige Isidorus. Zjwier huuët biej de parochie Wienesraoë. Daövuur is op e gegeëve moment d'r Zjwierderkèrkweëg agelag. Aoëch vuur g'n sjoeël mótte alle kinger nao Raoë.

[bewirk] Dörpsvereëniginge

Carnavalsvereëniging de Veldkretsersj

[bewirk] Externe link

Zjwier, woëne baoëve de Beëssebeëk

Gemeinte Nut
Dörper: Hölsberg \| Nut \| Sjömmert \| Vaosje \| Wienesrao
Buurtsjappe en gehuchte: Aolbaek \| Arensgenhout \| Op de Bies \| Brand \| Brómmele \| Gekruts \| Griëzegröbbe \| Groat Hazel \| G'n Hèl \| Hèllebrook \| Hómmert \| Hunnekem \| Kamp \| Kathage \| Klein Hazel \| Kleingenhout \| Laor \| Lieëw \| Nirve \| Oansel \| G'n Reuke \| Tersjtraote \| Tervoeësj \| Vink \| Wisjegrach \| Zjwier