Wienesrao

Van Wikipedia

Dit artikel is gesjreve in 't Wienesraos. 't Weurt gewaardeerd óm in dit artikel 't Wienesraos aan te hauwe of aan te gaeve welk anger dialek gebroek is.

Vuurbörch en grach van Kesjtieël Wiënesraoë

Wiënesraoë (Hollesj: Wijnandsrade) is e dörp in Hollesj Limburg geleëge aan de Hölsbergerbeëk. Tot 1982 waor 't 'n zelfsjendige gemeënte. Noe huurt 't bie de gemeënte Nut. Op 1 januari 2004 woeënde d'r 1819 luuj i Wienesraoë.
't Woerd raoë (aoch waal rade, rhode of rode) beteëkent, gerooide plek of óntginning. De naam beteëkent dus "'t óntgonne gebied va Wiënand". 't Dörp wuurt aoch waal Raoë ( Rode ) genump.

[bewirk] Buurtsjappe

Buurtsjappe van Wienesrao zunt:

[bewirk] Kesjtieël en kèrk

't Kesjtieël aan d'r binneplei achter de inriejpaoërt in de vuurbörch

't Opvallendste geboew midde in Raoë geleëge achter 'n grach mèt daoëvuur 'ne groëte viëver is 't kesjtieël Wiënesraoë mèt vuurbörch, aoch waal 't hoeës genump. 't Datiert oersjprunkelik oet 1544, meh 't is in de 18e iew ingriëpend gerestaurierd.
Tösje kesjtieël en kèrk bevingk zich 'n motte, woeë-in zich de reste van 'ne Middelieëwse taoëre zouwe bevinge.
De Sjteëveskèrk (Heilige Stephanus), neëve 't kesjtieël, is geboewd in de 17e iew, meh de parochie, woeë aoch de buurtsjappe Zjwier, Vink en Laor bie huëre is ouwer. Naoë de weëreldoerlog is de taoëre vernuijd en 't sjeëp woert doeë aoch groëter gemak.

'n Kapelke op 'n sjplitsing aan d'r weëg nao Hunnekem weurt 't Sjteëveshuuske geneump.

[bewirk] Groëte häöf

Groëte häöëf i Raoë zint: De ouw Bóngert; de Bóngert en (Te) Nietese (Nijthuizen).

[bewirk] Dörpsvereëniginge

Heëmkundevereëniging Vrienden van Wijnandsrade
Carnavalsvereëniging De Veldkretsersj

[bewirk] Persone

Fons Erens, sjriëver(1914-2000)
Wiel Oehlen, dichter, sjriëver (1950)
Jack Jetten, sjriëver (1945)
Huub Keulen, sjriëver (1944)

Gemeinte Nut
Dörper: Hölsberg \| Nut \| Sjömmert \| Vaosje \| Wienesrao
Buurtsjappe en gehuchte: Aolbaek \| Arensgenhout \| Op de Bies \| Brand \| Brómmele \| Gekruts \| Griëzegröbbe \| Groat Hazel \| G'n Hèl \| Hèllebrook \| Hómmert \| Hunnekem \| Kamp \| Kathage \| Klein Hazel \| Kleingenhout \| Laor \| Lieëw \| Nirve \| Oansel \| G'n Reuke \| Tersjtraote \| Tervoeësj \| Vink \| Wisjegrach \| Zjwier