Blanknberge

From Wikipedia

Dit artikel es geschreevn in 't Blanknbergs, en da zoe best ozô bluuvn.

Stad Blanknberge
Blankenberge
Liggienge binnen het arrondissement Brugge in de provinsje West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arrondissement	Brugge
Liggienge	51°18' NB 03°07' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	17,41 km²
Inweuners (Bron: NIS)
Inweuners – Vintn – Vrown – Bevolkiengsdichtheid	18.175 (01/01/2006) 47,66% 52,34% 1044 inw./km²
Leeftydsipbow 0–17 joar 18–64 joar 65 joar en oeder	(01/01/2004) 15,72% 60,87% 23,41%
Buutnlanders	2,54% (01/07/2005)
Weirklôoseidsgroad	14,71% (01/01/2006)
Polletiek
Burgemêester	Ludo Monset (VLD)
Coaliesje	VLD, CD&V
Zetels VLD sp.a CD&V N-VA Vlaams Belang Dwars	25 10 7 4 3 1
Dêelgemêentn me postcode
Postcode	Dêelgemêente
8370 8370	Blanknberge Uutkerke
And're info
Zonenummer	050
Poliesjezone	{{{polz}}}
Webadres	www.blankenberge.be

Blanknberge (officieel Nederlands: Blankenberge) is ein van de populairste en drukste plekkn an de Vlamsche kust. D’r weunn meir of 18.300 menschn.

Je ziet ze van alle kantn kommn noa ‘t strange. In ’t oogsizoen legt de NMBS zelfs speciale trengs in vo de toeristn.

Blanknberge strange 1900

[bewerk'n] Attraksjes

Sea Life Centre, woa da je kennis makt met 't leevn oendr woatr. Je kunt'r beistn bekykn van over heil de weireld.
De Lustige Velodroom, een vèloboane in out woa da je roendjes kun ryen ip kluchtige vèlo's. 't Ligt ip 't strange, nie verre van de Piere en 't bestoat al van 1933. De boane wordt ieder joar in september ofgebrookn en in moarte weer ipgebouwd.
De amfibiebowt, een voertuug dat ip 't land kan ryen en ip zeie kan voaren. Van ip 't strange rydt y rechte de zeie in vor een tochtje in 't woater. De excursie deurt 30 minuutn.
't Serpentarium, geleegn ip de dyk
De Scute, 'n authentieke replica van 'n oude visschrsbowt lik dan ze eiwenlange voardn an uze kust. Je kunt er kennis moakn met 't visschrsleevn lik dat 't vroeger was.
De viertorre met 't zeimuseum. D'oudste informoasje over 'n Blanknbergsche viertorre dateert van 1337. De viertorre van 1872 is in 1944 gedynamiteerd gewist deur de Duutschers en in 1950 were ipgebouwd. 't "Zeigenowtschap", een club die gepassioneerd is deur 't leevn ip zeie kreig in 1994 de toeloatienge vor een "zeimuseum" en "nautisch en didactisch informoasjecenter" ip te richtn in 't viertorregebouw . D'r angt ook een gedenkploate vo weireldzeiler Staf Versluys en 'n ipschrift ter eire van Jacques Brel, moat en leeftydgenowt van Versluys met de zelfste passie vo zeiln.

[bewerk'n] Beziensweirdigeedn

'n Antrekkelik strange met een lengte van 3,3 km. In de zomer kun je cabientjes, ligzeetls en parasols euren. Ip de dyk van 2 km lank valt er vanalles te beleevn.

De jachtoavn, de vroegere visschersoavn van Blanknberge is uutgebouwd toet 'n moderne jachtoavn met 1000 ligplatsn.

De twi estacades (staketsels) woa dat de voargeule tusschen lopt. Ze zyn vernield gewist deur de Duutschers ip 't ende van WO2 en volledig erbouwd. 't Owsterstaketsel begun joaren 1950 in out en 't westerstaketsel begun joaren 1970 in betong.

De Cazjeno woa dat ook 't cultureel centrum oendergebrocht is.

De Paravang, een sierlik bouwsel uut de Belle Epoque periode. In die tyd was 't kusttoerisme nog elitair. De noame komt van 't Frans "paravent" = wiendscherm. Je kunt 'r angenoam zittn met zicht ip de jachtoavn en 't Leopoldpark.

't Usetje van Majutte: 't einigste visschersusetje van Blanknberge dat bewoard gebleevn is en gerestaureerd. Pé Majutte was de lapnoame van Pieter De Bruyne, een Blanknbergsche visscher die doa weunde met z'n familie.

De Fonteintjes, e nateurgebied in de dunen tusschn Blanknberge en Zêebrugge

De Piere, 'n uniek bouwwerk met een wandelbrugge in de zeie van 350 m lank. D' eiste piere dateert van 1894 moar is in 1914 ofgebrand deur de Duutschers. In 1933 is de nieuwe piere gebouwd en in 2003 gerenoveerd. Binst de Duutsche bezettienge in WO2 negeerde de Duutscher Karl-Heinz Keseberg 't bevel van z'n overstn vo de Blanknbergsche piere te dynamiteern. Doarom noemdn z'em de redder van dat unicum an uze kust. Tusschn K.H. Keseberg en 't Blanknbergs stadsbestier is ter alsan e vriendschapsband bluuvn bestoan. Nu en ton kwamt'n vor e korte vakanse met z'n vrouwe en zeune en loater met z'n kleinjoengrs. In novembr 2006 kreig Blanknberge 't bericht dat de redder van de piere ip 85-joarige leeftyd gestorvn is.

De piere van Blanknberge

[bewerk'n] Varia

Blanknberge is vereiwigd in e kluchtig liedje van Hugo Matthysen. E poar zinnetjes:

Blankenberge Blankenberge, wonderschone stad

Ik wou dat ik in m'n achtertuin zo'n Blankenberge had

Blankenberge Blankenberge, parel aan de kust

De mooiste plek op aarde voor wie zand met schelpjes lust

[bewerk'n] Deilgemeinte

Uutkerke

[bewerk'n] Bekende Blanknbergenoars

Frans Masereel, grafisch kunstnoare.
David Dehenauw, weerman.
Marva, zangeresse en commersante.
Luk Alloo, TV-vedette.
Pieter Aspe, schryver, geboorn en ipgegroeid in Brugge moa weunt nu in Blanknberge.
Lucien Van Kersschaever, bekend in de basketbalweireld.
Rudi Pillen, kunstenoare
Jules Van Paemel, grafisch kunstnoare
Leo Van Paemel, kunstschilder
Roger Wittevrongel, kunstschilder
Sliek de Zeesterre, rap-hiphopgroep

't Echte Blanknbergs is een toale die nieverans andrs gesprookn wordt, zelfs nie in de gemeintn d'r roend, Zeibrugge, Wendune en Uutkerke. 't Wordt bykans alleine nog deur d'oudere menschn gesprookn wat da vreindig spytig is. Ook dowdjammer is dat er vele woordn zyn die verdwynn. A je an de joengere generoasje vroagt wat dat een "koedzaksje" is verstoan ze da nie mè. Alleine d'oudere weetn dat dat 'n (ys)crème is. Vele blanknbergenoars weunn nu in Uutkerke vo 't drukke toerisme t'oentvluchtn. En d'r zyn vele toeristn die under oude dag deure bringn an de zeie. In Blanknberge styf vele antwerpenoars.

Oefeninge: 'k Stoan mè m'n ein bein in de zeie. 'k Koop'n e growt browd by de bakker. 'k Zittn an 't stier van m'n otto. 't Is vreindig geistig, je moet dovowren nie schreimn...

Een Blanknbergenoare noemt Blanknberge: "uus steedje".