Distrikto Ennepe-Ruhr
El Vikipedio
| blazono | Karte |
|---|---|
 |
 |
| bazaj datoj | |
| federacia lando: | Nordrejn-Vestfalio |
| distriktaro: | Arnsberg |
| provinca komunumligo: | Vestfalio-Lipo |
| regiona ligo: | regiona ligo Ruhr |
| administra sidejo: | Schwelm |
| areo: | 408,31 km² |
| enloĝantoj: | 342.642 (fine de decembro 2005) |
| loĝodenso: | 839 loĝantoj po km² |
| Aŭtokodo: | EN |
| distrikta subdivido: | 9 komunumoj |
| administreja adreso: | Hauptstr. 92 58332 Schwelm |
| retpaĝo: | www.ennepe-ruhr-kreis.de |
| retadreso: | verwaltung@en-kreis.de |
| Mapo | |
 |
|
La distrikto Ennepe-Ruhr situas meze de Nordrejn-Vestfalio kaj apartenas al la Ruhr-regiono. Ĝi estas membro en la provinca komunumligo Vestfalio-Lipo kaj en la regiona ligo Ruhr.
Enhavo |
[redaktu] Geografio
La nomo de la distrikto jam priskribas ties plej gravajn geografiajn signojn – ĝi etendiĝas precipe laŭlonge de la valoj de la rivero Ruhr kaj Ennepe je la norda rando de la Rejnlanda skistomontaro. La pejzaĝo kaj la strukturo de enloĝado estas tre variaj. De la Glör-rivera akvobaraĵo sur la altaĵoj de la la arbara regiono Sauerland (Breckerfeld) tra la valo de la rivereto Ennepe kun la stalaktita kaverno Kluterthöhle ĝis la Ruhr-valo inter Herdecke kaj Hattingen oni trapasas - malgraŭ la malgranda distrikta teritorio - tre variajn pejzaĝojn.
[redaktu] Administra subdivido
La distrikto Ennepe-Ruhr konsistas el naŭ komunumoj. Ĉiuj naŭ havas urban statuson.
| urbo | enloĝantoj |
| Witten | 100.422 |
| Hattingen | 56.706 |
| Gevelsberg | 32.628 |
| Ennepetal | 32.034 |
| Schwelm | 29.780 |
| Wetter (Ruhr) | 28.923 |
| Sprockhövel | 26.030 |
| Herdecke | 25.421 |
| Breckerfeld | 9.365 |
stato: fino de junio 2006
[redaktu] Najbaraj distriktoj kaj urboj
La distrikto Ennepe-Ruhr najbaras al la distriktoj Mark (Märkischer Kreis), Oberberg (Oberbergischer Kreis) kaj Mettmann, samkiel la eksterdistriktaj urboj Bochum, Dortmund, Hagen, Wuppertal kaj Essen.
[redaktu] Historio
[redaktu] Teritoria reformo
La distrikto Ennepe-Ruhr fondiĝis la 1-an de aŭgusto 1929 per unuigo de la tiama distrikto Schwelm kun tiuj partoj de la distriktoj Hattingen kaj Hagen, kiuj ne estis enkomunumigataj en la urboj Hagen kaj Bochum. Per juĝo de la konstitucia juĝejo en Münster la enkomunumigo de la komunumo Waldbauer en la urbon Hagen estis nuligata la 18-an de decembro 1970. Inter la jaroj 1970 kaj 1975 la distrikta teritorio ŝanĝiĝis dum la teritoriaj reformoj en Nordrejn-Vestfalio, precipe en la distrikton estis enigata la ĝis tiam eksterdistrikta urbo Witten.
[redaktu] Evoluo de enloĝantoj
| jaro | enloĝantoj |
| 1990 | 349.412 |
| 2003 | 346.124 |
| 2004 | 344.824 |
| 2005 | 343.834 |
[redaktu] Blazono
Ora strio kun ruĝ-arĝenta ŝaktabula dezajno, supre kaj malsupre po unu blua ondotrabo.
La ŝakstrio simbolas la graflandon Mark, al kiu apartenis la distrikta teritorio dum la mezepoko; la ambaŭ ondostrioj simbolas la riverojn Ennepe kaj Ruhr, kiuj donas la nomon al la distrikto.
[redaktu] Trafiko
La distrikton pasas la aŭtoŝoseoj A 1, A 43, A 44 kaj A 46. Escepte de Sprockhövel kaj Breckerfeld ĉiuj urboj havas konekton al la fervoja reto. La plej proksimaj longdistancaj stacidomoj estas Hagen, Wuppertal, Bochum, Dortmund kaj Essen.
[redaktu] Komunikiloj
[redaktu] Gazetoj
En la distrikto jenaj gazetoj havas lokajn redakciojn: Westfalenpost (sudo kaj mezo), Westfälische Rundschau (ĉie), Westdeutsche Allgemeine Zeitung (Witten, Hattingen, Sprockhövel), Ruhr-Nachrichten (Witten) kaj Westdeutsche Zeitung (Sprockhövel). En ĉiuj urboj krome estas senpagaj gazetoj, kiuj financiĝas per reklamoj.
[redaktu] Radio
Radio EN estas la privata radiostudio por la distrikto. Ĝi elsendas de la sendostacio en Hagen ĉiutage 3-horan memfaritan programon, la kroman programon transprenas Radio NRW. La ŝtata radiokanalo WDR 2 kovras la distriktan teritorion per novaĵoj el la studio Dortmund.
[redaktu] Malfermaj kanaloj
Ekzistas civitana radio kun du radiostudioj en Gevelsberg kaj Witten.
[redaktu] Aliaĵoj
La aŭtokodo de la subdistrikto estas EN. Preskaŭ 190.000 aŭtoj estas registritaj en la distrikto. La statistiko pri akcidentoj de 2002 dokumentas, ke la distrikto EN estas la plej sekura de Nordrejn-Vestfalio.
En la ĝenerala lingvouzo oni ofte parolas pri 'Ennepetal', se oni volas diri distrikto Ennepe-Ruhr. Tio malĝustas, ĉar la distrikta ĉefurbo estas la urbo Schwelm, neniel Ennepetal.
