Vikingo

From Wikipedia

Vikingo esis habitanto di anciena Skandinavia, do vikingi esis ancestri di Suedi, Dani e Norvegiani, pos Islando. En ocidentala landi on parolas pri Normandia e nuntempe en Rusia ed antee en Bizanto pri Varyagi. Antee en Rusia Vikingi esis Rusi (‘remeri’) , ma senco di vorto Ruso alternis samatempe kande efekto di Vikingi finis en Rusia. La vorto Vikingo venas de anciena vorto Skandinaviana vik qua signifikas ‘bayo’ o ‘fyordo’.

Vikingi facis voyaji en mikra navi (nominita knörr kun dragona (en Sueda drake) pruo) ad Europa inter 789ma e 1066ma yaro. Voyaji finis kande Vikingi koncesionis a Kristanismo e koncentrita povo di rejo. Produkti por komerco esis furi, qui chanjesis a glaso-vari e stofi, anke a moneti. Primara motivo por voyaji esis komerco, ma komerco povis rapteskar. Kelkafoye facesis unsenca rapto-voyaji. Profesionala milito-Vikingo nomizesis berserko. On rakontas ke li mastikis toxika fungi pro freneziesko hipnotala por batalio. Ma reale vikingo ne havis korni sur lua helmo.

La socio di Vikingi esis demokrata. Anke mulieri havis importanta poziciono en socio, precipue kande homuli esis sur voyo. Omna homuli e homini libera povis partoprenar a ting. Maxim anciena kunveno nacional – allting – kunvenis depos 902 en Islando.

Mitologio e religio di vikingi esis tre multa-laterala. Konocata esas i.a. Odin, deo di milito, Tor, deo di tondro, e Frey, deo di fertileso, e Valhalo – halo di selektiti – adube celibini di Odin guidis militanti mortigita en batalio.

Centri di komerco esis:

• Haithabu (nuna Hedeby en sudala Jyllando, Dania)
• Kaupang (en westala rivo di fyordo di Oslo)
• Birka (nuna Björkö en westo de Stockholm)
• Aldeigjuborg (nuna Staraya Ladoga en sudala rivo di Ladogo)
• Jorvik (nuna York en mezal Anglia).

Ye la fino di la 10ma yar-cento Vikingi dominacis Norda Maro, Esta Maro (Baltika Maro) e la nordal parto di Atlantiko. Pos fino di efekto di Birka Germana Hansa-uniono startis okupar komerco sur Baltiko Maro.

Vikingi facis lua voyaji per seglizita bateli quin on povis anke remar. Averajala Vikingo-batelo esis longa de c. 30 m, ed aden lu fitis 32 remanti. Bateli esis de querko. Oli esis ne-profunda e stabila, ed on povis rivo-vehar facile per oli. Sur spacala maro Vikingi uzis propra moyeni di orientizo e disto-mezuro. Trans senriverala parto di voyo li transportis bateli tirante.

Dani facis voyaji

• a Nederlando e Belgia.
• a Francia. – Li atakis i.a. Rouen, Nantes e Paris. Ye 911 rejo di Francia Karl la Simpla donacis komtio di Rouen, posa Normandia, a vikingestro Rollo, pro ke li finez raptado e protektez Francia kontre altri Vikingi. Ye 11ma yar-cento parto di propaganti di Vikingi (Normandi) kaptis sulo en sudala Italia e fondis ube normandana rejio di Sicilia.
• ad Anglia (segun Vikingi Danelagen, Danelaw). – Precipua komenco di Vikinga ero konsideresas rapto di Lindisfarne monakeyo en la estala rivo di Anglia ye 793. Antea Ebocarum, York, (segun Vikingi Jorvik) divenis komerco-placo di Vikingi. Dana Sven la Brakio-Barbo kaptis Anglia ye 1013 e lua filio Knud 2ma la Granda esis rejo di Anglia de 1014 e rejo di Dania de 1018 til 1035 e regnanto di sudala Norvegia 1028–1035. Normandiana (i.e. Normando) Vilhelm la Konquestero, propaganto di Rollo, konquestis Anglia ye 1066.
• anke a Hispania, nordal Afrika ed Italia quale Norvegiana Vikingi.

Norvegiani facis voyaji

• a Skotia.
• ad Irlando. – En kolekto-placo di sklavi di Vikingi naskis Dublin (segun Vikingi Dyflinn). Vikingi administris anke Limerick e Cork.
• a Blanka Maro a Vepsiani.

Suedi facis voyaji (segun Vikingi Austway, Austvej) trans Baltiko Maro (Esta Maro)

• a Rusia. – Rurik fondis ye 862 cirkum Kiev e Novgorod imperii, qui efektis – pos multa fazi – a nasko di Rusia.
• a Dnyepr. – Vikingi fondis Kiev (segun Vikingi Kjönugård). Alonge Dnyepr voyajesis anke trans Negra Maro a Bizanto, Konstantinopolo (segun Vikingi Miklagård).
• ed alonge Golfo di Finlando a Volga, ad imperio di Bolgari, ed anke trans Kaspia Maro a Bagdad.

Vikingi efektis direte o nedirete a formesko di multa imperii (por exemplo Anglia, Irlando, Rusia). Vikingi fondis kolonii ma li asimilis su en multa loki a lokala populo. Vikingi habitizis anke Faero, Shetlando, Orkadi, Hebridi, Islando ja sudala Grenlando. Nuntempe propaganti di Vikingi lojas nur en Faero ed Islando. Leifr Eiríksson (filio di Eirík la Reda) vizitis ye 1000 anke Amerika, quon li nomizis Vinland (nuna Nov-lando). Antee la rivon vidis Bjarni Herjolfsson ma il ne povis explorar la lando. Probabla traiti di Vikingi esas trovita anke en Mexikia.

Voyaji efektis arto e kulturo di Vikingi. Kristanismo translacis a nordo, e naskis runal alfabeto qua havis Latina ed anciena Gota literi. Orale mediacinta rakonti skribesis kom sagi. Sagi ne esas legendi pro ke li rakontas pri reala homi.