அனைத்துலக முறை அலகுகள்
கட்டற்ற கலைக்களஞ்சியமான விக்கிபீடியாவில் இருந்து.
அனைத்துலக முறை அலகுகள் (International System of Units) (பிரெஞ்சு மொழிப் பெயரின் சுருக்கெழுத்து SI) என்பன எடை, நீளம் போன்ற பல்வேறு பண்புகளை அளக்கப் பயன்படும் தரம் செய்யப்பட்ட அலகுகளாகும். இம் முறை அலகுகளைக் குறிக்க பயன்படும் SI என்னும் எழுத்துக்கள் பிரென்ச்சு மொழிப் பெயராகிய Système International d'Unités என்பதனைக் குறிக்கும். இவ்வலகுகள் உலகெங்கிலும் அறிவியலில் பயன்படுத்தப்படுகின்றன. மேலும் ஓரளவுக்குப் பல நாடுகளிலும் நாள்தோறும் நடத்தும் தொழில்களுக்கும், வாங்கல்-விற்றல் போன்றவைகளுக்கும் பயன்படுகின்றன.
இந்த SI முறை அலகுகள் மீட்டர்-கிலோ கிராம்-நொடி (MKS) அடிப்படையில் ஆன மெட்ரிக் முறையிலிருந்து 1960ல் உருவாக்கப்பட்டது. இவ் அனைத்துலக முறையில் பல புதிய அலகுகளும், அளவியல் வரையறைகளும் உண்டாக்கப்பட்டன. இது மாறாமல் நிற்கும் வடிவம் அல்ல, வளரும் அறிவியலின் நிலைகளுக்கேற்ப உயிர்ப்புடன் இயங்கும் ஓர் அலகு முறை.
[தொகு] அலகுகள்
அனைத்துலக முறை அலகுகள் பலவும் முன்னொட்டுகள் கொண்டவை. அலகுகள் இரு பிரிவாக உள்ளன. முதலில் அடிப்படையான ஏழு அலகுகள் உள்ளன. இவ்வடிப்படை அலகுகளைக்கொண்டு பிற அலகுகள் வருவிக்கபடுகின்றன. இவை தவிர SI அலகுகள் அல்லாதன சிலவும் SI அலகுகளுடன் சேர்த்திப் பயன்படுத்தகூடியவை என்றும் உள்ளன.
| SI அடிப்படை அலகுகள் | |||||
|---|---|---|---|---|---|
| அலகின் பெயர் | அலகின் தமிழ்ப்பெயர் | குறியெழுத்து | தமிழில் குறியெழுத்து | அளவிடும் பண்பு | தமிழில் அளவிடும் பண்பு |
| Kilogram | கிலோகிராம் | kg | கிலோ கி | Mass | பொருண்மை அல்லது திணிவு |
| Second | நொடி அல்லது வினாடி அல்லது செக்கன் |
s | நொ அல்லது செக் | Time | நேரம் |
| Meter | மீட்டர் | m | மீ | Length | நீளம் |
| Ampere | ஆம்ப்பியர் | A | ஆம்ப் | Electrical Current | மின்னோட்டம் |
| Kelvin | கெல்வின் | K | கெ | Temparature | வெப்பநிலை |
| Mole | மோல் | mol | மோல் | Amount of Substance | மூலக்கூறின் பொருண்மை |
| Candela | கேன்டெல்லா | cd | கேண்டெ | Luminous Intensity | ஒளியின் அடர்த்தி |
அனைத்துலக முறை அலகுகளின் (SI) தரம் செய்யப்பட்ட முன்னொட்டுகள்.
| பெயர் | யோட்டா (yotta) |
ஸேட்டா (zetta) |
எக்ஸா (exa) |
பேட்டா (peta) |
டெரா (tera) |
கிகா (giga) |
மெகா (mega) |
கிலோ (kilo) |
ஹெக்டோ (hecto) |
டெக்கா (deca) |
|---|---|---|---|---|---|---|---|---|---|---|
| முன்னொட்டு எழுத்து | Y | Z | E | P | T | G | M | k | h | da |
| பெருக்கும் மதிப்பு | 1024 | 1021 | 1018 | 1015 | 1012 | 109 | 106 | 103 | 102 | 101 |
| பெயர் | டெசி (deci) |
சென்ட்டி (centi) |
மில்லி (milli) |
மைக்ரோ (micro) |
நானோ (nano) |
பிக்கோ (pico) |
ஃவெம்ட்டோ (femto) |
அட்டோ (atto) |
ஸெப்ட்டோ (zepto) |
யோக்டோ (yocto) |
| முன்னொட்டு எழுத்து | d | c | m | µ | n | p | f | a | z | y |
| பெருக்கும் மதிப்பு | 10-1 | 10-2 | 10-3 | 10-6 | 10-9 | 10-12 | 10-15 | 10-18 | 10-21 | 10-24 |
[தொகு] இவற்றையும் பார்க்க
[தொகு] வெளி இணைப்புகள்
