Croacia - Hrvatska

Na Galipedia, a wikipedia en galego.

Xeografía en progreso: Este artigo de xeografía é, polo de agora, só un esbozo. Traballa nel e contribúe a que a Galipedia mellore e medre.

Republika Hrvatska
República Croata

Lema: Non ten

Linguas oficiais

Croata¹

Capital

Zagreb

Presidente

Stjepan Mesić

Primeiro ministro

Ivo Sanader

Área
- Total
- % auga

124º maior
56,542 km²
0,01

Poboación
- Total (Ano)
- Densidade

115º mais populoso
4,551,000 (est 2005)
83 h/km²;

Independencia
- Declarada
- Recoñecida

1991
25 de xuño de 1991 de Iugoslavia

Moeda

Kuna, HRK

Fuso horario

UTC +1

Hino nacional

Lijepa naša domovino

TLD (Internet)

.HR

Código telefónico

+385

(1) Tamén italiano no condado de Istria

Croacia é un país de Europa. Limita ao norte con Eslovenia e Hungría, ao leste con Serbia, Bosnia e Hercegovina e Montenegro, e ao sur co Mar Adriático. A súa capital é Zagreb. Ten unha extensión de 89.810 km² e 4.422.248 habitantes.

[editar] Política

O Presidente da república é o xefe de Estado, é elixido cada cinco anos por un máximo de dúas lexislaturas, segundo a Constitución de 1990 (catro enmendas en 1997, 2000 e dúas en 2001). É o comnadante en xefe das Forzas Armadas e propoñe ó Primeiro Ministro ó Parlamento de xeito simbólico.

Poder executivo: O goberno croata (Vlada) está dirixido por un Primeiro Ministro e dous axudantes, que mandan nun gabinete de 14 ministerios. Redactan os orzamentos e as leis para a súa aprobación no parlamento.

Poder lexislativo: É unicameral. O Parlamento (Sabor) ten entre 100 e 160 representantes elixidos cada catro anos.

Poder xudicial: A máxima autoridade xudicial croata é o Tribunal Supremo. Por debaixo del hai tribunais nos condados e nos concellos. Existe un Tribunal Constitucional para os temas de interpretación da Constitución.

Os partidos máis importantes son: Partido Popular Croata, Comunidade Demócrata Croata e Unión Demócrata Croata.

[editar] Demografía

Os croatas representan o 86,9% da poboación, a minoría máis numeroa é a serbia (4,5%). A lingua oficial é o croata (tamén oficial en Bosnia e Hercegovina), deriva do serbocroata pero ten grafía latina. O 87,8% son católicos, cun 4,4% de ortodoxos.

[editar] Economía

Croacia é un candidato oficial para acceder á Unión Europea (xunto coa ARI Macedonia e Turquía). Os seus indicadores macroeeconómicos son mellores que países que xa accederan á UE en 2004. O acceso de Eslovenia á UE e a súa incorporación ó sistema monetario do Euro, son novas esperanzadoras para a segunda economía máis estable da ex-Iugoslavia. De tódolos xeitos, o comisario encargado da ampliación Olli Rehn, dixo que ningún novo país se incorporaría á Unión tras Romanía e Bulgaria ata o 2010. As maiores trabas son a política agraria e o libre movemento de persoas e capitais, consecuencias do pasado comunista croata.

A renda per cápita croata no 2004 representaba tan só o 41,6% da renda media da UE (8.960€), as consecuencias desfavorables da guerra dos Balcáns e os reasentamentos étnicos da poboación frearon o desenrolo económico. O turismo nos últimos anos esta crecendo a un ritmo considerable, a cidade de Dubrovnik volve estar nos principais destinos dos touroperadores internacionais.