Bosnia - Hercegovina - Босна и Херцеговина

Bosnia-Hercegovina é unha república federal dos Balcáns, resultante do desmembramento da Iugoslavia, que limita ao norte e oeste coa Croacia e ao leste e ao sur con Serbia e Montenegro, dispoñendo aínda dunha minúscula extensión de litoral, no Mar Adriático.

[editar] Xeografía de Bosnia e Hercegovina

Bosnia e Hercegovina sitúase nos Balcáns occidentais. A bordea Croacia no norte, oeste e sur, Serbia ó leste e Montenegro ó surleste. Ten unha minúscula saída ó mar Adriático de 23 km nos arredores da cidade de Neum, no cantón bosnio de Hercegovina-Neretva.

O nome do país responde á unión de dúas rexións históricas: Bosnia, con capital en Saraxevo e Hercegovina con capital en Mostar, no extremo sur do país.

[editar] Demografía de Bosnia e Hercegovina

Os continuos desprazamentos poboacionais durante as guerras dos Balcáns na década de 1990 provocaron drásticos cambios na distribucíón da poboación. O último dato oficial data do censo iugoslavo de 1991. Segundo este censo a poboación de Bosnia e Hercegovina era de 4,354,911, étnicamente se dividía en:

43,7% bosnios
31,3% serbios
17,3% croatas
5,5% autodenominábanse iugoslavos

No país existe unha forte correlación entre o grupo étnico e a relixión xa que:

O 88% dos croatas son católicos.
O 90% dos bosnios son musulmáns
O 93% dos serbios son cristiáns ortodoxos

As tensións entre as tres etnias son o principal problema político no país, xa que as tres minorías teñen prácticamente o mesmo poder: os bosnios son os máis numerosos, os serbios teñen unha entidade política de seu e os croatas a pesares de non estar políticamente á marxe, teñen o poder económico.

A estimación da poboación para xullo de 2006 é de 4,498,976 habitantes.

[editar] Governo de Bosnia e Hercegovina

O sistema de goberno establecido nos acordos de Dayton en 1995, establece unha división das cotas de poder entre as tres etnias bosnias: serbios, bosnios e croatas.

A presidencia do Governo (poder executivo) rota en representantes destas tres etnias cada oito meses, ata que cada un cumpre 4 anos no goberno. Os votos para a presidencia son directos e universais: a Federación de Bosnia e Hercegovina vota polos candidatos bosnios e croatas, a República Serbia polo serbio. O Presidente elixe ó consello de ministros.

A Asamblea Parlamentaria representa ó poder lexislativo de Bosnia e Hercegovina. Consta de dúas cámaras: a Casa dos Pobos e a Casa de Representantes.

Casa dos Pobos: 15 delegados
- 5 da República Serbia
- 10 da Federación de Bosnia e Hercegovina (5 bosnios e 5 croatas)

Casa de Representantes:
- 14 membros da República Serbia
- 28 membros da Federación de Bosnia e Hercegovina (14 bosnios e 14 croatas)

A máxima autoridade do poder xudicial é o Tribunal Constitucional, composto de nove membros: catro elixidos polo parlamento da Federación, dous pola asamblea da República Serbia e tres polo presidente do Tribunal Europeo de Dereitos Humáns tras consultar co presidente do país.

Commons ten máis imaxes sobre:

Bosnia - Hercegovina - Босна и Херцеговина

[editar] Subdivisións de Bosnia e Hercegovina

O Tratado de Dayton (1995) establece a división de Bosnia e Hercegovina en dúas entidades: a Federación de Bosnia e Hercegovina e a República Serbia. Esta división coincide aproximadamente coas posesións territoriais entre os dous principais bandos enfrontados da guerra de Bosnia. Esta división obedece a cambios na composición étnica do territorio durante á guerra: limpeza étnica e de recolocación por parte da autoridade serbobosnia, migracións internas segundo o transcurso da guerra e refuxiados serbocroatas da guerra de Croacia (ver fronteira inter-entidades) .

No 2000 creouse o Distrito Federal de Brčko, no norte do país entre as dúas entidades. Oficialmente pertence a ambas, pero na realidade autoxestionase e é un exemplo de convivencia multiétnica cun nivel de vida superior á media do país.

A Federación de Bosnia e Hercegovina subdivídese en cantóns. A República Serbia en rexións. Os cantóns teñen certo grao de autogoberno, hai dez deles. Rexións son sete. O cuarto nivel organizativo son as municipalidades: 74 na Federación de Bosnia e Heregovina e 63 na República Serbia.

Á marxe de rexións, cantóns e municipalidades, en Bosnia e Hercegovina existen catro cidades oficiais Banja Luka, Mostar, Saraxevo, e Saraxevo Oriental. Estas cidades teñen un autogoberno maior que a municipalidade pero menor que os cantóns da Federación de Bosnia e Hercegovina.

Países do mundo | Europa