De Nerem
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
De Nerem (Nederlands Neerhem) ies 'n buurt in Valkeberg aan de weeg nao Oud-Valkeberg. 't Woord Neerhem ies samegesjtèld oet neer (lièg) en heim. 'ne Andere naam van 'ne haof bie de Goudsberg ies Euverhem. Dat ies 'n hoager gelege heim of nederzètting. Toch kalle de luuj in Valkeberg van op de Nerem, umdat de hoezer enigszins in 'n helling liegke.
De sjtraot die Neerhem hèt, begint bie de Valkebergse Berkelpoort. D'n Dwingel, 'n oetgegrave weeg aan de oaskant van 't hoaggelege Kesjtièl Valkeberg, kump hie mèt 'ne trap bie die sjtadspoort oet. De Nerem ies aan weerszie beboewd mèt väöl mergele hoezer, woavan d'rsj sómmige vreuger boerderiej zint gewaes. Dao bevingk ziech ouch de ingank van de Kabelbaan, die bezeukersj nao de hoaggelege Wilhelminatore bringk. Dae tore, oet 1906, ies op ziechzelf 30 maeter hoag en vanoet zienen tuup haet me 'n wieds oetziech euver gans Zuud Limburg. Get wiejer op ies de ingank van 't Sprookjesbos en dao tegeneuver löp 'n paedsje nao de Biejebösj. Ouch liek hie 'n parkhotel (Rooding) dat in vreuger jaore deens haet gedoon es 'n Kurhaus en es 'n kloaster.
't Kluèsterke Regina Pacis, woa-in sjlotzuustersj wone van de orde van de Benedictenesse, ies gesitueerd tege de Biejebösj aan en dateert van 1960. In de beemde dao-tegeneuver bevingk ziech 't 'Geulsjtrand'.
|
|
 |
|---|---|
| Dörper: Berg | Brokem | Houtem | Oud-Valkeberg | Sjin op Geul | Sub | Valkeberg | Vild | |
| Buurtsjappe en gehuchte: Boete de Paort | D'n Emmaberg | Geulem | De Hièk | De Hièkerbeek | Hièrewaeg | Iezere | Ingwege | Keuteberg | De Nerem | Oas | De Plenkert | Sint Gerlach | Sint-Pièter | Sjoanbrón | De Sjtoepert | Sjtraobaek | Sjtröch | Terbliet | Vroenhof | Walem | |
