Sjtraobaek

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.

Geerlingshof

Sjtraobaek (Nederlands: Strabeek) is e gehuch in de gemeinte Valkeberg aan de Geul. 't Lik aan de groate waeg tösje Houtem en Brokem en is 'n kern van Houtem. Vreuger neumde me Sjtraobaek ouch waal Strabach, en d'r zint nog ein aantal alternatief sjriefwiezes bekènd. Sjtraobaek is landelik bekènd es etappeplaats van 't Pieterpad. 't Gehuch is geneump nao 't gesjlach Strabach. In Sjtraobaek sjtruimp de gelieknamige baek richting Geul. Euver dit Sjtraobaekerdal löp 'n hoag, betónne brök vanwege de autobaan A2. Dees autobaan haet hie 'n op- en aafrit.

[bewirk] Gesjiedenis

Weegkapelke gewiejd aan de Heilige Familie

Door dit gehuch leep ièrtieds de Via Belgica, de Romeinse waeg van Boulogne-sur-Mer nao Kölle. Aan de voot van de Klevertberg (Baeksjtraot]] höbbe ze twiè Romeinse graver gevónge.

De oudste vermelding van Sjtraobaek is oet 1331. D'n Hoes Sjtraobaek is 't sjtamhoes van 't gesjlach Strabach, waarsjienlik 'n familie van liège adel.

In 't midde van de 19e ièw boewde Generaal A.P. de Ceva zich e kesjtièlke in Sjtraobaek, de tegewoordige Geerlingshof. De bewonersj van dit geboew houwe indertied ein treinhalte op verzeuk aan de sjpoorlien tösje Mestreech en Heerle.

[bewirk] Bezeenswaerdige geboewe

Geerlingshof, in mergel geboewd es 'n landhoes door A.P. de Ceva. Tegewoordig 'n appartementecomplex. In 't veurmalig park, dat löp tot tege de sjpoorbaan zin villa's geboewd. In 't aafgebroke koetsjhoes haet de diechter Jan Hanlo gewoond.
D'n haof Sjtraobaek is 'n mergele carréboerderiej en e rieksmonument. Tegewoordig is 't hoofgeboew in gebruuk es hotel-restaurant en in de biegeboewe zint saer 2006 appartemente ingeriech.
'n Mergele waegkapelke gewiejd aan de Heilige Familie, oet 1894.
Villa Sjtraobaek, ouch in mergel opgetrokke, te bereike via de Strabekerveldweg ('t Sjterk laok) oet 1863.

[bewirk] Dialek

In Sjtraobaek kalle ze 'n dialek dat t zelfde is es 't Houtems.

[bewirk] Brónne

Gemeinte Valkeberg aan de Geul
Dörper: Berg \| Brokem \| Houtem \| Oud-Valkeberg \| Sjin op Geul \| Sub \| Valkeberg \| Vild
Buurtsjappe en gehuchte: Boete de Paort \| D'n Emmaberg \| Geulem \| De Hièk \| De Hièkerbeek \| Hièrewaeg \| Iezere \| Ingwege \| Keuteberg \| De Nerem \| Oas \| De Plenkert \| Sint Gerlach \| Sint-Pièter \| Sjoanbrón \| De Sjtoepert \| Sjtraobaek \| Sjtröch \| Terbliet \| Vroenhof \| Walem