Sjoanbrón
Van Wikipedia
Dit artikel is gesjreve in 't Sjins. 't Weurt gewaardeerd óm in dit artikel 't Sjins aan te hauwe of aan te gaeve welk anger dialek gebroek is.
Sjoanbrón, plaatselik ouch Sjuèmer geneump, (Nederlands Schoonbron) is 'n gehuch aan d'r groate waeg tösje Sjtröch en Wielder in de gemeinte Valkeberg aan de Geul. Op ’n kaart oet 1840 sjteit Schonboren en op kaarte oet 1866 en 1924 sjteit Schoonborn gedrök. D'r naam zou trukgoon op de sjoan, zuver brónne die hie oet d'r grónd borrele. De brónne loupe richting de Geul, die ouch door dit gehuch löp. De brónne ligke op de Hoagbaek. Sjoanbrón is nauw verweve mèt de buurtsjap Sjuèmer of Sjueëmer. Sjuèmer en Sjuuëmer zouwe etymologisch d'r zelfde achtergrónd höbbe. De Sjuèmerbaek sjtruimp in de buurt. Get wiejerop richting Ransdaal lik de buurtsjap Opsjuuëmer of Opsjuèmer.
'n Deil van de buurtsjap huèrde tot 1982 tot de gemeinte Wielder. Allewiel is 't aan Sjtröch vasgegreujd.
Centraal, aan d'r driesjprunk, tösje 'n aantal ouw häöf, woavan eine van vakwerk, sjteit 'n Mariakapel oet 1945 geboewd van Kundersjtein. Ze is geboewd oet dankbaarheid veur 't good doorkómme van de Twiède waereldaorlog. Dao tegeneuver hingk aan de moer van 'n boerderie 'n houte weegkruus. Aan ein zie van 't geboew löp d'r holle weg richting plateau. In 1588 is sjpraoke van 'ne Haof van Schoonborn.
|
|
 |
|---|---|
| Dörper: Berg | Brokem | Houtem | Oud-Valkeberg | Sjin op Geul | Sub | Valkeberg | Vild | |
| Buurtsjappe en gehuchte: Boete de Paort | D'n Emmaberg | Geulem | De Hièk | De Hièkerbeek | Hièrewaeg | Iezere | Ingwege | Keuteberg | De Nerem | Oas | De Plenkert | Sint Gerlach | Sint-Pièter | Sjoanbrón | De Sjtoepert | Sjtraobaek | Sjtröch | Terbliet | Vroenhof | Walem | |
