Vroenhof
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Vroenhof ies 'n wiek in 't westelek deil van Houtem in de gemeinte Valkeberg a/d Geul. De naam sjleit op vroon en beteikent domein of haof van de hièr. 'ne Vroner waor 'ne pachter. De haof besjteit al in 1272. Nao 'n verboewing weurt 't in 1927 'n kloaster van de orde van St. Josef. Dit ies woa noe 't zörgcentrum Vroenhof, gesitueerd liek. Dao zou in de 12 ièw ouch 'n kapel höbbe gesjtange, die huèrde ónder de proosdijkèrk van Meersje. Op dees plek sjteit later de 1e parochiekèrk van Houtem. Noe haet die de functie van kloasterkapel, want in1806 weurt de kèrk van 't kloaster Sint-Gerlach de parochiekèrk. Tegeneuver de hudige kapel van 't zörgcentrum, aan de Putwaeg, sjteit 'n houte waegkruus mèt crucifix. Aan dit kruuspunt laog vreuger 't Habetssteen (geneump nao 'ne eigenaer Habets), 'ne haof van mergel en vakwerk. Ze ies noe (gedeiltelik) gerenoveerd.
[bewirk] Romeinse waeg
Ónder de Putwaeg en in de baende van de Geul, zint in de jaore 30 van de 20e ièw reste van 'ne Romeinse waeg (Via Belgica) opgegrave. Deze waeg leep van Boulogne-sur-Mer, Tóngere, Mestreech, Vroenhof, Walem, Heërle, Rimburg nao Kölle. De Putwaeg weurt ouch waal Kamp geneump. De naam zou wieze nao hièl vreug bewoning.
[bewirk] Bezeenswaerdig
De Pletsjbaek, ouch waal Drinkbaek of Sjtassebaek geneump, sjtruimp langszie riechting de Geul. In de buurt sjteit 'n kapelke oet 1932 gewiejd aan de Sint Maarten, de vreugere petroanheilige van Houtem.
Aan de waeg Vroenhof bevingk ziech de St. Maartenshaof. De vreugere vakwerkhaof, krieg in 1699 'n mergele veurgevel. De poort sjtamp oet 1727. Deze veurmalige haof ies de de lètste woonplek van Frans Erens, 'ne Nederlandse sjriever (1857 - 1935). Ouch de beeldhouwer Charles Vos haet 'r jaorelank gewoond.
In Hoes Gurtsenich (neo gotisch), woont kunssjilder Fritz van de Sander (gebore in Sjinveld in 1948).
In de mergele carréboerderiej geseerd mèt 2 voluutgevele de ouw Pastorie oet de 17e ièw, verblief nao 1966 'ne generaal van de AFCENT, Sir Edmund Hudleston. 't Landgood krieg dan de naam Huis der grenadiers.
|
|
 |
|---|---|
| Dörper: Berg | Brokem | Houtem | Oud-Valkeberg | Sjin op Geul | Sub | Valkeberg | Vild | |
| Buurtsjappe en gehuchte: Boete de Paort | D'n Emmaberg | Geulem | De Hièk | De Hièkerbeek | Hièrewaeg | Iezere | Ingwege | Keuteberg | De Nerem | Oas | De Plenkert | Sint Gerlach | Sint-Pièter | Sjoanbrón | De Sjtoepert | Sjtraobaek | Sjtröch | Terbliet | Vroenhof | Walem | |
