Berg (Valkeberg)

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.

Aan de Sjoane Pool in Berg: haof van mergelsjtein 2003

Berg is e dörp in de gemeinte Valkeberg en 'n kern van Berg en Terbliet, dat bis 1982 'n zelfsjtendige gemeinte waor. Berg waor bis de Franse revolutie 'n zelfsjtendige hièrlikheid

In 1981, veurdat Berg en Terbliet bie de gemeinte Valkeberg ingelief weure, versjient 'r 'n 500 pagina's tèllend naosjlaagwerk euver de dan veurmalige gemeinte. De auteursj heisje: Victor Klaessen, A. Houben, H. Raeven en H.Schols.

[bewirk] Bezeenswaerdig

Kèrk

De kèrk van Berg is geboewd in de jaore daartig van de 20e ièw en is ontworpe door de arsjitekte Frits Peutz en W. Sprenger. Ze is gewiejd aan Monulphus en Gondulphus. De kèrk, van mergel, is in neogotische sjtiel geboewd. 't Opvallendste element zint de sjleutellookvörmige vènstere. Berg houw al veur de boew van de tegewoordige parochiekèrk 'n ander kèrk, meh die laog op 'n ander plaats, namelik Op de Bies. De ouw kèrk woort gesjlote in de Franse revolutie en aafgebraoke in 1959. In dat oud gedeilte van Berg lik ouch de Sjoane Pool woa vreuger 'ne drinkpool gelaege haet. Dae is gedemp. Rónd 't tegewoordige graaspleintsje sjtaon 'n paar ouw häöf geboewd van mergel.

'ne Bekènde inweuner van Berg is de dialekzenger Jos Meessen. De kunssjilder Lei Molin woort in Berg gebaore.

[bewirk] Dialek

't Dialek van Berg is bekans geliek aan 't Valkebergs (Boete de paorts).

[bewirk] Dörpsvereiniginge

Dameskoar Berg en Terbliet
Sjötterie Monulphus en Gondulpus
Harmonie "Concordia" Berg en Terbliet
Carnavalsvereiniging de Foekepöt
Carnavalsvereiniging de Spoetnikkersj
Scouting St. Monulphus

[bewirk] Externe link

Harmonie Concordia

Gemeinte Valkeberg aan de Geul
Dörper: Berg \| Brokem \| Houtem \| Oud-Valkeberg \| Sjin op Geul \| Sub \| Valkeberg \| Vild
Buurtsjappe en gehuchte: Boete de Paort \| D'n Emmaberg \| Geulem \| De Hièk \| De Hièkerbeek \| Hièrewaeg \| Iezere \| Ingwege \| Keuteberg \| De Nerem \| Oas \| De Plenkert \| Sint Gerlach \| Sint-Pièter \| Sjoanbrón \| De Sjtoepert \| Sjtraobaek \| Sjtröch \| Terbliet \| Vroenhof \| Walem