Bundesliga
vanuit Wikipedia, die vrye ensiklopedie.
Die Bundesliga is Duitsland se professionele eersteliga in sokker sedert 1963. Voor die instelling van die Bundesliga deur die DFB (Deutscher Fußball Bund), is die Duitse kampioen bepaal deur die wenner van uitspeelwedstryde tussen die topspanne van elke streekliga.
FC Beiere München het die liga reeds 18 keer gewen sedert 1963. Klubs uit die voormalige Oos-Duitsland sukkel sedert unifikasie om hulle top-spelers te behou en met die voormalige Wes-Duitse klubs mee te ding, aangesien die voormalige Wes-Duitse klubs oor die algemeen finansieel beter daaraan toe is. Tans speel daar slegs een klub uit die voormalige Oos-Duitsland in die Bundesliga, naamlik FC Energie Cottbus.
Die Bundesliga is vandag baie suksesvol uit ‘n finansiële oogpunt en die mees suksesvolle sokkerliga wêreldwyd as dit gemeet word aan toeskouers. In die 2005/06-seisoen het die liga ‘n gemiddelde bywoningsyfer van 40 775 toeskouers per wedstryd gehad (die tweede bes bygewoonde sokkerliga was die Engelse Premierliga met ‘n gemiddelde bywoningsyfer van 33 875 per wedstryd). [1]
Inhoud |
[wysig] Struktuur
Vir die eerste twee seisoene het die Bundesliga uit 16 spanne bestaan, maar sedert die 1965/66-seisoen is die Bundesliga tot 18 spanne vergroot (die enigste uitsondering was die 1991/92-seisoen, toe die liga tot 20 spanne vergroot is om twee spanne uit die voormalige Oos-Duitsland se DDR-liga tot die Bundesliga toe te laat).
Die onderste drie klubs word jaarliks uit die Bundesliga gerelegeer en met die top drie uit die 2. Bundesliga (tweede liga) vervang (in die beginjare is slegs twee spanne jaarliks gerelegeer). Klubs word aan streng voorwaardes ten opsigte van finansies en stadionveiligheid onderwerp om tot die Bundesliga toegelaat te word en daar te kan bly meeding.
Die Duitse sokkerstruktuur is baie plat in vergelyking met byvoorbeeld Engelse sokker. In Engeland is die eerste vyf ligas vertikaal gerangskik, met die gevolg dat deur net na die eerste 5 ligas te kyk, kan daar al presies gesien word watter klubs staan ‘n kans om oor die volgende vyf jaar moontlik die Premierliga te haal. In Duitsland is daar egter slegs die Bundesliga en 2. Bundesliga wat vertikaal staan. Die derde vlak is in twee streeksligas gedeel, die Regionalliga-Noord en die Regionalliga-Suid. Hierna volg nege Oberligas, gevolg deur 27 verbands- of landesligas. Hoe laer daar in die piramide-struktuur gekyk word, hoe meer parallelle vlakke bestaan daar. Die interessante gevolg is dat redelike onbesonge spanne uit die kleiner stede en dorpe skielik hulle opwagting in die professionele ligas maak en dan weer (soms) net so vinnig verdwyn.
Die spanne wat tans (2006/07-seisoen) meeding in die Bundesliga is die volgende:
[wysig] Seisoenoorsig
| Seisoen | Kampioen | Topdoelskieter(s) |
| 2005/06 | FC Beiere München | Miroslav Klose (SV Werder Bremen, 25) |
| 2004/05 | FC Beiere München | Marek Mintal (1 FC Neurenberg, 24) |
| 2003/04 | SV Werder Bremen | Goncalves da Silva Ailton (SV Werder Bremen, 28) |
| 2002/03 | FC Beiere München | Giovane Elber (FC Beiere München, 21), Thomas Christiansen (VfL Bochum, 21) |
| 2001/02 | BV Borussia Dortmund | Marcio Amoroso (BV Borussia Dortmund, 18), Martin Max (TSV 1860 München, 18) |
| 2000/01 | FC Beiere München | Sergej Barbarez (Hamburger SV, 22), Ebbe Sand (FC Schalke 04, 22) |
| 1999/00 | FC Beiere München | Martin Max (TSV 1860 München, 19) |
| 1998/99 | FC Beiere München | Michael Preetz (Hertha BSC Berlyn, 23) |
| 1997/98 | 1 FC Kaiserslautern | Ulf Kirsten (Bayer Leverkusen, 22) |
| 1996/97 | FC Beiere München | Ulf Kirsten (Bayer Leverkusen, 22) |
| 1995/96 | BV Borussia Dortmund | Fredi Bobic (VfB Stuttgart, 17) |
| 1994/95 | BV Borussia Dortmund | Mario Basler (SV Werder Bremen, 20), Heiko Herrlich (VfL Borussia Mönchengladbach, 20) |
| 1993/94 | FC Beiere München | Stefan Kuntz (1 FC Kaiserslautern, 18), Anthony Yeboah (Eintracht Frankfurt, 18) |
| 1992/93 | SV Werder Bremen | Anthony Yeboah (Eintracht Frankfurt, 20), Ulf Kirsten (Bayer Leverkusen, 20) |
| 1991/92 | VfB Stuttgart | Fritz Walter (VfB Stuttgart, 22) |
| 1990/91 | 1 FC Kaiserslautern | Roland Wohlfarth (FC Beiere München, 21) |
| 1989/90 | FC Beiere München | Jörn Andersen (Eintracht Frankfurt, 18) |
| 1988/89 | FC Beiere München | Thomas Allofs (1 FC Keulen, 17), Roland Wohlfarth (FC Beiere München, 17) |
| 1987/88 | SV Werder Bremen | Jürgen Klinsmann (VfB Stuttgart, 19) |
| 1986/87 | FC Beiere München | Uwe Rahn (VfL Borussia Mönchengladbach, 24) |
| 1985/86 | FC Beiere München | Stefan Kuntz (VfL Bochum, 22) |
| 1984/85 | FC Beiere München | Klaus Allofs (1 FC Keulen, 26) |
| 1983/84 | VfB Stuttgart | Karl Heinz Rummenigge (FC Beiere München, 26) |
| 1982/83 | Hamburger SV | Rudi Völler (SV Werder Bremen, 23) |
| 1981/82 | Hamburger SV | Horst Hrubesch (Hamburger SV, 27) |
| 1980/81 | FC Beiere München | Karl Heinz Rummenigge (FC Beiere München, 29) |
| 1979/80 | FC Beiere München | Karl Heinz Rummenigge (FC Beiere München, 26) |
| 1978/79 | Hamburger SV | Klaus Allofs (Fortuna Düsseldorf, 22) |
| 1977/78 | 1. FC Keulen | Dieter Müller (1 FC Keulen, 24), Gerd Müller (FC Beiere München, 24) |
| 1976/77 | VfL Borussia Mönchengladbach | Dieter Müller (1 FC Keulen, 34) |
| 1975/76 | VfL Borussia Mönchengladbach | Klaus Fischer (FC Schalke 04, 29) |
| 1974/75 | VfL Borussia Mönchengladbach | Jupp Heynckes (VfL Borussia Mönchengladbach, 27) |
| 1973/74 | FC Beiere München | Gerd Müller (FC Beiere München, 30), Jupp Heynckes (VfL Borussia Mönchengladbach, 30) |
| 1972/73 | FC Beiere München | Gerd Müller (FC Beiere München, 36) |
| 1971/72 | FC Beiere München | Gerd Müller (FC Beiere München, 40) |
| 1970/71 | VfL Borussia Mönchengladbach | Lothar Kobluhn (SC Rooiwit Oberhausen, 24) |
| 1969/70 | VfL Borussia Mönchengladbach | Gerd Müller (FC Beiere München, 38) |
| 1968/69 | FC Beiere München | Gerd Müller (FC Beiere München, 30) |
| 1967/68 | 1 FC Neurenberg | Hennes Löhr (1 FC Keulen, 27) |
| 1966/67 | Eintracht Braunschweig | Lothar Emmerich (BV Borussia Dortmund, 28), Gerd Müller (FC Beiere München, 28) |
| 1965/66 | TSV 1860 München | Lothar Emmerich (BV Borussia Dortmund, 31) |
| 1964/65 | SV Werder Bremen | Rudolf Brunnenmeier (TSV 1860 München, 24) |
| 1963/64 | 1 FC Keulen | Uwe Seeler (Hamburger SV, 30) |
[wysig] Aantal seisoene in die Bundesliga (1963-2007)
Die volgende spanne het al meegeding in die 44 seisoene van die Bundesliga (met die aantal seisoene langsaan):
| Klub | Klub | ||
|---|---|---|---|
| Hamburger SV | 44 | Kickers Offenbach | 7 |
| SV Werder Bremen | 43 | SV Waldhof Mannheim | 7 |
| FC Beiere München | 42 | FC St. Pauli | 7 |
| VfB Stuttgart | 42 | SC Rooiwit Essen | 6 |
| 1 FC Kaiserslautern | 42 | 1 FC Saarbrücken | 5 |
| VfL Borussia Mönchengladbach | 40 | SC Rooiwit Oberhausen | 4 |
| BV Borussia Dortmund | 40 | Dynamo Dresden | 4 |
| FC Schalke 04 | 39 | SG Wattenscheid 09 | 4 |
| Eintracht Frankfurt | 39 | Alemannia Aken | 4 |
| 1. FC Keulen | 39 | FC Energie Cottbus | 4 |
| VfL Bochum | 31 | Wuppertaler SV | 3 |
| Bayer Leverkusen | 28 | Borussia Neunkirchen | 3 |
| MSV Duisburg | 27 | FC Homburg | 3 |
| Hertha BSC Berlyn | 26 | FSV Mainz 05 | 2 |
| 1 FC Neurenberg | 26 | Stuttgarter Kickers | 2 |
| Fortuna Düsseldorf | 22 | SV Darmstadt 98 | 2 |
| Karlsruher SC | 22 | Tennis Borussia Berlyn | 2 |
| Eintracht Braunschweig | 20 | SpVgg Unterhaching | 2 |
| TSV 1860 München | 20 | VfB Leipzig | 1 |
| Hannover 96 | 19 | SC Fortuna Keulen | 1 |
| DSC Arminia Bielefeld | 15 | Preußen Münster | 1 |
| Bayer Uerdingen | 13 | SSV Ulm 1846 | 1 |
| FC Hansa Rostock | 11 | SV Blouwit Berlyn | 1 |
| SC Freiburg | 10 | KFC Uerdingen 05 | 1 |
| VfL Wolfsburg | 10 | Tasmania Berlyn | 1 |
[wysig] Verwysings
[wysig] Eksterne skakels
| Bundesliga seisoen 2006/07 | |
|
Alemannia Aken - DSC Arminia Bielefeld - Bayer Leverkusen - FC Beiere München - VfL Bochum - BV Borussia Dortmund - VfL Borussia Mönchengladbach - Eintracht Frankfurt - FC Energie Cottbus - Hannover 96 - Hertha BSC Berlyn - Hamburger SV - FSV Mainz 05 - 1 FC Neurenberg - FC Schalke 04 - VfB Stuttgart - SV Werder Bremen - VfL Wolfsburg |
|
