Xesús
De Uiquipedia
Xesús de Nazaret foi un predicador xudíu que vivió al entamu'l sieglu I nes rexones de Galilea y Xudea (anguaño Israel) y morrió crucificáu en Xerusalén al rodiu l'añu 30.
Magar que la mayoría d'historiadores y espertos bíblicos opinen qu'estos datos puen dase por ciertos, por mor de la concordancia de fontes, una minoría d'estudiosos dubia de la historicidá de Xesús de Nazaret. Esiste, per embargu, una bultable cantidá d'escritos cristianos (canónicos y apócrifos) al rodiu de la so figura.
Llamáu tamién Cristo o Xesucristo, ye'l personax central de les relixones denomaes cristianes, de les que la mayoría afiten como dogma de fé que foi'l fíu de Dios, redimió cola so muerte al xéneru humanu y resucitó al tercer día depués de la so crufixón. L'Islam considéralu ún de los sos profetes más importantes y ye ún de los personaxes que más influyeren na cultura occidental.
Consérvense abondos testos so la so vida, xenéricamente nomaos evanxelios, pero foron escritos, como mínimu, 30 ó 40 años depués de la so muerte y tienen dafechu un enfotu catequéticu, polo que resulta abegosu enforma estrayer d'ellos información biográfica fidedigna. Namái son mencionaos por unes poques fontes non cristianes. Sicasí, los más de los estudiosos nun dubien de la so historicidá y esiste una amplia corriente que considera posible reconstruyir les llinies esenciales de la so vida y el so mensaxe.
[editar] Enllaces esternos
- EarlyChristianWritings.com/theories.html (Teoríes so'l Xesús históricu, n'inglés).
- JesusNeverExisted.com (Xesús nunca nun esistió, web na que se caltién esta teoría, n'inglés).
- Jesus.Teologia.UPSA.es (“El Xesús históricu”, por Santiago Guijarro Oporto, de la Universidá Pontificia de Salamanca, n'español).
Esti artículu ye un entamu, ampliándolu, ayudarás a meyorar la Uiquipedia
