Jesus Christus
From Wikipedia
Jesus is de zentrale Persoon in dat Christendom, un dor heet he dann ok Jesus Christus (vun Greeksch Ιησους [Iēsoûs], dat is sien Naam op Greeksch, un Χριστός [Christos]), dat heet „salvt“).
He warrt ok Jesus vun Nazareth oder Jesus de Nazarener nöömt.
De Christen glöövt, dat he en histoorsche Persoon weer, de so vun ca. 6-4 v.Chr. bet ca. 29-33 n.Chr leevt hett. Un ok de Mehrtall vun de Wetenschopler glöövt dat.
Na dat, wat us de Bibel vertellt, hett Jesus in Galiläa un Judäa predigt, un de Römers hebbt em achterna an't Krüüz slaan. Un an den dritten Dag is he dann vun den Doden opstahn.
Dat, wat Jesus daan un lehrt hett, is för de Christen dat Fundament vun dat Christendom. Jesus hett sik süms de "Minschensöhn" nömmt. Dat is en Woort ut dat Book Daniel ut dat Ole Testament. Dat bedütt, datt he dacht hett, he is en ganz besunnerer Minsch, eegentlich man mehr as en Minsch. "Minschensöhn" bedütt mehr as en Minsch, anunförsik en Gottminsch, de Kraft un Macht hett, allens to bestimmen.
