Chili

Van Wikipedie

República de Chile

Baosisgegevens

Officiële laanstaal: Spaans

Heufstad: Santiago

Regeringsvorm: Rippebliek

Religie: Rooms-katteliek 89%, protestans 11%

Oppervlakte: 756.950 km² (1%waoter)

Inwoeners: 16,4 miljoen (schatting juni 2006) (20 / km²)

Overige

Volkslied: Himno Nacional

Munteenheid: Chileense peso (CLP)

UTC: -4

Nasionale feesdag: 18 september

Web | Code | Til. .cl | CHL | 56

Chili (in 't Spaans Chile) is een laand in Zuud-Amerika, en lig an de grèèns mit Peru, Bolivia en Argentinië. Chili lig in-eklemd tussen de Grote Oceaan en 't Andesgebärgte. De eufstad is Santiago, 't parlement ef zien zetel in Valparaíso.

't Juan Fernández-archipel, Desventuradaseilanen en Paoseilaand, dät ärg wied in 't westen van 't vastelaand lig, euren ok bie Chili. 't Laand määkt naor eigen zeggen ok ansprake op een stuk van Antarctica (dät tegeliekertied grotendiels ok deur Argentinië op-eëist wordt). Um disse reden steet de obelisk die 't officiële geografische middelpunt van Chili markeert ok in 't zuden, bie de stad Punta Arenas, vlakbie Vuurlaand.

Deur de lange-erekken vorm en zien noord-zuudligging ef Chili verschillende soorten klimaoten, 't laand ef alleend gien tropisch klimaot.

De grootste exportperdukten bint keuper, wien, vruchen, vismeel en cellulose.

Chili is wieder lid van APEC en OSA.

[bewark] Demografie

[bewark] Bevolking

Volgens een schatting woonden der in juni 2006 16.432.674 minsen in Chili, waormit Chili 't zestigste laand ter wereld is wat 't antal inwoners angiet. De volkstelling van 2002 leveren een antal op van 15.116.435 inwoners.

Chilenen bint veur 't grootste diel ofstammelingen van immigranten uut verschillende Europese lanen, waorbie de naokommelingen van Spaanse immigranten overeersen.

[bewark] Tälen

De tälen in Chili bint Spaans, Aymara en Quechua.

[bewark] Bestuurlijke indieling

Chili bestiet uut därtien regio's. Disse regio's bestaon elk uut meerdere pervinsies, 51 in totaol. De pervinsies bint op d'r beurt weer in-edield in gemeentes, 346 veur iel Chili.

[bewark] Geografie

In 't noorden van Chili lig de Atacama Woestien, dit is de dreugste zoltvlakte ter wereld. In 't zuden van 't laand bint der de grote iesvlaktes, die, op Antarctica nao, de grootste zuutwaoterreserves ter wereld bint.