ಮುಖ್ಯ ಪುಟ

ಉಪಗ್ರಹ ಸಮೂಹ

‘’’ಗ್ಲೋಬಲ್ ನೇವಿಗೇಶನ್ ಸ್ಯಾಟಲ್ಲೈಟ್ ಸಿಸ್ಟಂ”’ (Global Navigation Satellite System) ಎಂಬುದು ಜಾಗತಿಕ ಸ್ಥಾನ ನಿರ್ಣಯ ಹಾಗೂ ದಿಕ್ಸೂಚಿ ವ್ಯವಸ್ಥೆಯಾಗಿದೆ. ಕೃತಕ ಉಪಗ್ರಹಗಳು ಬಿತ್ತರಿಸುವ ಮಾಹಿತಿಯನ್ನು ಉಪಯೋಗಿಸಿಕೊಂಡು ಅವುಗಳನ್ನು ಆಲಿಸುವ ರಿಸೀವರ್‌ಗಳು ತಮ್ಮ ಸ್ಥಾನ, ವೇಗ, ಹಾಗೂ ತಾನು ಚಲಿಸುತ್ತಿರುವ ದಿಕ್ಕನ್ನು ನಿರ್ಣಯಿಸಬಲ್ಲವು.

"ಜಿಪಿಎಸ್" ಅಥವಾ "ಗ್ಲೋಬಲ್ ಪೊಸಿಶನಿಂಗ್ ಸಿಸ್ಟಂ" ಎಂಬುದು ಇಂತಹ ಒಂದು ವ್ಯವಸ್ಥೆಯಾಗಿದೆ. ಇದು ಅಮೇರಿಕ ದೇಶವು ಅಭಿವೃದ್ಧಿಪಡಿಸಿ ಕಾರ್ಯಕ್ಕಿಳಿಸಿದ ವ್ಯವಸ್ಥೆಯಾಗಿದ್ದು ಇದರ ಅಧಿಕೃತ ಹೆಸರು ”’ನ್ಯಾವ್‌ಸ್ಟಾರ್ ಜಿಪಿಎಸ್”’ ಎಂಬುದಾಗಿದೆ. ಇದರ ನಿರ್ವಹಣೆ ಹಾಗೂ ನಿಯಂತ್ರಣ ಅಮೇರಿಕ ದೇಶದ ವಾಯು ಸೇನೆಯ ಕೈಯಲ್ಲಿದ್ದು ಇದರ ಉಸ್ತುವಾರಿಗಾಗಿ (ಉಪಗ್ರಹ ಬದಲಾವಣೆ ಮತ್ತು ಸಂಶೋಧನೆ ಹಾಗೂ ಅಭಿವೃದ್ಧಿ ಸೇರಿದಂತೆ) ವಾರ್ಷಿಕ ೭೫೦ ಯು.ಎಸ್. ಡಾಲರ್ಗಳನ್ನು ವ್ಯಯಿಸಲಾಗುತ್ತಿದೆ ಎಂದು ಅಂದಾಜು ಮಾಡಲಾಗಿದೆ. ಜಿಪಿಎಸ್ ವ್ಯವಸ್ಥೆಯು ಅಮೆರಿಕದ ಸೈನಿಕ ಬಳಕೆಗಳಿಗಾಗಿ ಅಭಿವೃದ್ಧಿ ಪಡಿಸಿದ್ದಾದರೂ, ಜಗತ್ತಿನಾದ್ಯಂತ ನಾಗರಿಕ ಉಚಿತ ಬಳಕೆಗಳಿಗಾಗಿ ಇದನ್ನು ನೀಡಲಾಗಿದೆ. ಜಿಪಿಎಸ್ ವ್ಯವಸ್ಥೆಯನ್ನು ದಿಕ್ಸೂಚಿಯಾಗಿ ಮಾತ್ರವಲ್ಲದೆ, ನಕಾಶೆ ತಯಾರಿಸಲು, ಸರ್ವೇಕ್ಷಣೆ ಕಾರ್ಯಗಳಿಗಾಗಿ, ವಾಣಿಜ್ಯ ಹಾಗೂ ವೈಜ್ಞಾನಿಕ ಕಾರ್ಯಗಳಿಗಾಗಿ ಕೂಡ ಬಳಸಲಾಗುತ್ತಿದೆ. ಅಲ್ಲದೆ ಇದನ್ನು ನಿಖರವಾದ ಸಮಯದ ಆಧಾರವಾಗಿ ಉಪಯೋಗಿಸಲಾಗುತ್ತಿದೆ. (ಹೆಚ್ಚಿನ ಮಾಹಿತಿ...)

ಕನ್ನಡ ವಿಶ್ವಕೋಶದ ಸದಸ್ಯರಿಂದ ರಚಿಸಲ್ಪಟ್ಟ ಹೊಸ ಲೇಖನಗಳಿಂದ ಕೆಲವು ಸ್ವಾರಸ್ಯಕರ ಸಂಗತಿಗಳು:

• ಎರಡನೆಯ ಮೈಸೂರು ಯುದ್ಧ: ಈ ಯುದ್ಧವನ್ನು ಕೊನೆಗೊಳ್ಳಿಸಿದ ಮಂಗಳೂರು ಒಪ್ಪಂದವನ್ನು ವಾರೆನ್ ಹೇಸ್ಟಿಂಗ್ಸ್ ತಮಗೆ ಅವಮಾನಕಾರಿ ಒಪ್ಪಂದವೆಂದು ಒಪ್ಪಿಕೊಂಡರು.

• ರಡ್ಯಾರ್ಡ್ ಕಿಪ್ಲಿಂಗ್: (ಚಿತ್ರಿತ) ಬ್ರಿಟಿಷ್ ಭಾರತದಲ್ಲಿ ಹುಟ್ಟಿದ ಇವರು ಮುಂದೆ ಸಾಹಿತ್ಯದ ನೊಬೆಲ್ ಪ್ರಶಸ್ತಿ ಪಡೆದರು.

• ಚನ್ನಬಸವೇಶ್ವರ: ಬಸವಣ್ಣನವರ ಸೋದರಳಿಯನಾದ ಇವರು ಬದುಕಿದ್ದು ಕೇವಲ ೨೪ ವರ್ಷಗಳು.

• ಪುರಬಿಂದುವಿನ ಕೋನಭಾಗ: ಪರಿಭ್ರಮಿಸುವ ಒಂದು ಕಾಯದ ಪುರಬಿಂದು ಮತ್ತು ಅದರ ಆರೋಹಣ ಸಂಪಾತದ ನಡುವಿನ ಕೋನವನ್ನು ವಿವರಿಸುವ ಕಕ್ಷೀಯ ಅಂಶ.

• ವಿ.ಕೆ.ಮೂರ್ತಿ: ಇವರು "ಗುರುದತ್ತರ ಕಣ್ಣು” ಎಂದೇ ಖ್ಯಾತರಾದ ಛಾಯಾಗ್ರಾಹಕ.

• ಛತ್ರಪತಿ ಶಿವಾಜಿ ಮಹಾರಾಜ್ ಮ್ಯೂಸಿಯೆಮ್: ಇದು ಮುಂಚೆ "ದ ಪ್ರಿನ್ಸ್ ಆಫ್ ವೇಲ್ಸ್ ಮ್ಯುಸಿಯೆಮ್ ಆಫ್ ವೆಸ್ಟ್ರನ್ ಇಂಡಿಯ" ಎಂದು ಕರೆಯಲ್ಪಡುತ್ತಿತ್ತು.

• ಮಾರ್ಚ್ ೪ : ರಷ್ಯಾದ ರಾಷ್ಟ್ರಪತಿಯಾಗಿ ಡಿಮಿಟ್ರಿ ಮೆಡ್ವೆಡೇವ್ (ಚಿತ್ರಿತ) ಆಯ್ಕೆ.
• ಮಾರ್ಚ್ ೧ : ಕೊಲೊಂಬಿಯದ ಸೇನೆ ಈಕ್ವಡಾರ್ನ ಗಡಿಯೊಳಗೆ ಅಡಗಿದ್ದ ಫಾರ್ಕ್ ಭಯೋತ್ಪಾದಕ ಸಂಘಟನೆಯ ಮುಖಂಡರನ್ನು ಕೊಂದಿತು.
• ಫೆಬ್ರುವರಿ ೧೯ : ಪಾಕಿಸ್ತಾನದಲ್ಲಿ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ ಪಾಕಿಸ್ತಾನ ಜನರ ಪಕ್ಷ ಅತಿ ಹೆಚ್ಚು ಸ್ಥಾನಗಳನ್ನು ಗಳಿಸಿತು.
• ಫೆಬ್ರುವರಿ ೧೮ : ಕ್ಯೂಬಾದ ನಾಯಕ ಫಿಡೆಲ್ ಕ್ಯಾಸ್ಟ್ರೊ ರಾಜಕೀಯ ಜೀವನದಿಂದ ನಿವೃತ್ತಿಯನ್ನು ಘೋಷಿಸಿದರು.
• ಫೆಬ್ರುವರಿ ೧೭ : ಕೊಸೊವೊದ ಸಂಸತ್ತು ತಾನಾಗಿ ತಾನೇ ಸೆರ್ಬಿಯದಿಂದ ಸ್ವಾತಂತ್ರ್ಯ ಘೋಷಿಸಿಕೊಂಡಿತು.
• ಫೆಬ್ರುವರಿ ೯ : ಖ್ಯಾತ ಸಮಾಜ ಸೇವಕ ಬಾಬಾ ಅಮ್ಟೆ ನಿಧನ
• ಫೆಬ್ರುವರಿ ೫ : "ಟ್ರಾನ್ಸಿಡೆಂಟಲ್ ಮೆಡಿಟೇಶನ್" ಖ್ಯಾತಿಯ ಮಹರ್ಷಿ ಮಹೇಶ್ ಯೋಗಿ ಅವರ ನಿಧನ, ನೆದರ್‍ಲ್ಯಾಂಡ್ಸ್ ದೇಶದ ತಮ್ಮ ಮನೆಯಲ್ಲಿ.
• ಫೆಬ್ರುವರಿ ೩ : ಆಫ್ರಿಕಾದ ಕಾಂಗೊ ಹಾಗೂ ರುವಾಂಡಾದಲ್ಲಿ ಉಂಟಾದ ರಿಕ್ಟರ್ ಮಾಪಕದ ೬.೦ ತೀವ್ರತೆಯ ಭೂಕಂಪದಲ್ಲಿ ಕನಿಷ್ಟ ಮೂವತ್ತು ಜನರ ಮರಣ.
• ಜನವರಿ ೧೪ : ನಾಸಾದ ಮೆಸ್ಸೆಂಜರ್ ಗಗನನೌಕೆ ಯಶಸ್ವಿಯಾಗಿ ಬುಧ ಗ್ರಹದ ಹತ್ತಿರ ಹಾಯ್ದು, ಭೂಮಿಯಿಂದ ಅಗೋಚರವಾಗಿರುವ ಆ ಗ್ರಹದ ಭಾಗವನ್ನು ಅನ್ವೇಷಿಸಿತು.
• ಜನವರಿ ೧೧ : ಮೌಂಟ್ ಎವರೆಸ್ಟ್ ಅನ್ನು ಹತ್ತಿದ ಮೊದಲಿಗರಲ್ಲಿ ಒಬ್ಬರಾದ ಸರ್ ಎಡ್ಮಂಡ್ ಹಿಲರಿ ನಿಧನ.

• ಮಾರ್ಚ್ ೬: ಘಾನದಲ್ಲಿ ಸ್ವಾತಂತ್ರ್ಯ ದಿನಾಚರಣೆ.
• ಮಾರ್ಚ್ ೬: ಹಿಂದೂ ಧರ್ಮದಲ್ಲಿ ಮಹಾಶಿವರಾತ್ರಿ.
• ಮಾರ್ಚ್ ೮: ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆ
• ಮಾರ್ಚ್ ೧೭: ಐರ್ಲೆಂಡ್ನಲ್ಲಿ ಸೇಂಟ್ ಪ್ಯಾಟ್ರಿಕ್ ದಿನಾಚರಣೆ.
• ಮಾರ್ಚ್ ೨೦: ಇರಾನ್ ದೇಶದಲ್ಲಿ ನೌರೋಜ್ ಹಬ್ಬ.
• ಮಾರ್ಚ್ ೨೦: ಹಿಂದೂ ಧರ್ಮದಲ್ಲಿ ಹೋಳಿ ಹಬ್ಬ ಆಚರಣೆ (ಚಿತ್ರಿತ).
• ಮಾರ್ಚ್ ೨೩: ಕ್ರೈಸ್ತ ಧರ್ಮದಲ್ಲಿ ಈಸ್ಟರ್ ಹಬ್ಬ.
• ಮಾರ್ಚ್ ೨೬: ಬಾಂಗ್ಲಾದೇಶದಲ್ಲಿ ಸ್ವಾತಂತ್ರ್ಯ ದಿನಾಚರಣೆ.