Constitución Europea

Na Galipedia, a wikipedia en galego.

A Constitución Europea é un tratado internacional que pretende a creación dunha constitución para a Unión Europea. Foi asinado no 2004 por representantes dos estados membros da Unión pero estaba suxeito a ratificación por tódolos estados membros, o cal aínda non sucedeu. As súas principais direccións eran: reemprazar ó gran grupo de tratados existentes que forman a actual "constitución" da Unión, uniformar os dereitos humanos ó longo da Unión Europea, e racionalizar a toma de decisións no que é hoxe unha organización de 25 membros.

A Constitución Europea foi asinada polos representantes dos estados membros o 29 de outubro do 2004, e estaba en proceso de ratificación polos estados membros até que, no 2005, os votantes de Francia (29 de maio) e Holanda (1 de Xuño) rexeitaron o tratado en referendo. A falta de apoio popular da constitución neses estados fixo que outros países pospoñesen ou detesen os seus procesos de ratificación, e a Constitución ten hoxe un futuro francamente incerto. Téndoo ratificado, o tratado comezaria a aplicarse o 1 de novembro do 2006. A maio do 2006, Alemaña, Austria, Bélxica, Chipre, Eslovaquia, Eslovenia, España, Estonia, Grecia, Hungría, Italia, Letonia, Lituania, Luxemburgo e Malta retificaron o tratado constitucional.

Índice 1 Ratificación 1.1 Ratificación en España 1.2 Ratificación por referendo 1.3 Aprobación parlamentaria da Constitución 1.4 Países ingresantes

[editar] Ratificación

O Tratado da Constitución Europea (TCE) foi asinado nunha cerimonia celebrada en Roma o 29 de outubro do 2004. Antes de comezar coa súa aplicación, porén, debe ser ratificado por cada estado membro. O proceso de ratificación fíxose de diferentes formas en cada país, dependendo das súas tradicións, disposiciós constitucionais e procesos políticos. Nalgús estados membros, a aprobación do xefe de estado é tamén requirida para aprobar o TCE unha vez sexa aprobado polo parlamento ou por referendo. O Presidente de Alemaña non o ten feito aínda, debido a unha batalla legal por que o modo de ratificación non foi o referendo. O Presidente de Eslovaquia tampouco ten aprobada aínda a Constitución.

Lituania, Hungría, Eslovenia, Italia, Grecia, Eslovaquia, Austria, Alemaña, Letonia, Chipre, Malta, Bélxica e Estonia xa completaron a ratificación parlamentaria da Constitución Europea. Ademais, o Parlamento Europeo tamén aprobou o tratado (nun voto simbólico).

Dez dos 25 membros teñen anunciado a súa intención de convocar un referendo sobre a constitución. Nalgúns casos, o resultado será vinculante legalmente; noutros será consultivo (como foi o caso dos Países Baixos). Catro referendos xa tiveron lugar, resultando en España e Luxemburgo ratificada o TCE, e sendo rexeitado en Francia e os Países Baixos. Aínda que o referendo nos Países Baixos foi únicamente consultivo, o goberno neerlandés prometeu que non será ratificada.

Dende o voto francés, algúns dos membros da UE confirmaron a súa intención de abandoar ou pospor the referendo da ratificación, incluíndo o Reino Unido, onde o secretario de exteriores Jack Straw ten dito que non ten ningún sentido planear un referendo tralas decisións de Francia e Holanda [1]. Outros países continuaron cos procesos de ratificación, incluíndo Luxemburgo, que aprobou o tratado nun referendo o 10 de xullo do 2005 [2].

O 15 de setembro de 2005, o Membro do Parlamento Europeo Johannes Voggenhuber do Partido Verde Austríaco e Andrew Duff de Democracia Liberal suxeriron o seguinte plano de acción:

• Antes da fin do 2006, redactar un tratado moi reducido contendo só os puntos sobre os que non hai controversia.
• Denantes da fin do 2009, unha nova convención constitucional debería decidir sobre unha nova constitución, prestando especial atención ó sistema social e as Política Común Exterior e Política de Seguridade.
• Xunto ás eleccións ó Parlamento Europeo no 2009, debería ser convocado un referendo europeo sobre o Tratado Constitucional.

Esta proposta foi votada no Parlamento Europeo o 19 de xaneiro do 2006 con 385 votos a favor e 125 en contra.

[editar] Ratificación en España

Resultados Participación: 42,33 % Si: 76,72% Non: 17,25% En branco: 6,03% Abstención: 57,67%

[editar] Ratificación por referendo

Estado Membro	Data	Resultado: % votos a favor (% votantes)
España	20 de febreiro do 2005	Sí: 76.7% (do 42.3%)
Francia	29 de maio do 2005	Non: 54.7% (do 69.3%)
Países Baixos	1 de xuño do 2005	Non: 61.6% (do 62.8%)
República Checa	Cancelado	Falta a ratificación do Parlamento
Luxemburgo	10 de xullo do 2005	Sí: 56.5% (do 87.77%)
República de Irlanda	Posposto indefinidamente
Dinamarca	Posposto indefinidamente
Polonia	Posposto indefinidamente
Portugal	Posposto indefinidamente
Reino Unido	Posposto indefinidamente

[editar] Aprobación parlamentaria da Constitución

Parlamento	Data	Resultado	Asinatura do Xefe de Estado
Lituania	11 de novembro do 2004	Sí: 84 a 4	Sí
Hungría	20 de decembro do 2004	Sí: 322 a 12	Sí
Parlamento Europeo	12 de xaneiro do 2005	Sí: 500 a 137	Non hai
Eslovenia	1 de febreiro de 2005	Sí: 79 a 4	Sí
Italia	6 de abril de 2005	Sí: Cámara Baixa: 436 a 28. Sí:. Cámara Outa: 217 a 16	Sí
Grecia	19 de abril do 2005	Sí: 268 a 17.	Sí
Eslovaquia	11 de maio de 2005	Sí: 116 a 27	Pendente
España	18 de maio do 2005	Sí: Cámara Baixa: 319 a 19. Sí: Cámara Outa: 225 a 6	Sí
Austria	25 de maio de 2005	Sí. Cámara Baixa: 182 a 1. Sí. Cámara Outa: 59 a 3	Sí
Alemaña	27 de maio de 2005	Sí: Cámara Baixa: 569 a 23. Sí: Cámara Outa: 66 a 3.	Pendente
Letonia	2 de xuño de 2005	Sí: 71 a 5	Sí
Chipre	30 de xuño de 2005	Sí: 30 a 19	Sí
Malta	6 de xullo de 2005	Sí: 65 a 0	Sí
Luxemburgo	25 de outubro de 2005	Sí: 57 a 1	Sí
Bélxica	8 de febreiro de 2006	Sí. Cámara Baixa: 118 a 18 Sí. Cámara Outa: 54 a 9. Sí: Parlamento Rexional de Bruselas: 69 a 10. Sí: Parlamento da Comunidade Alemana: 21 a 2. Sí: Parlamento Rexional de Valonia Sí: Parlamento da Comunidade Francesa. Sí: Parlamento Rexional Flamengo: 84 a 29. (Tódolos gobernos rexionais tamén aprobaron o tratado, cumprindo os requisitos do proceso de ratificación belga.)	Pendente
Estonia	9 de maio de 2006	Sí: 73 a 1	Pendente
Finlandia	12 de maio de 2006 (Expectante) 2006	Sí. Primeira Volta: 104 a 24. Segunda Volta: Non foi aínda.
Suecia	Posposto indefinidamente
República Checa	Posposto indefinidamente

[editar] Países ingresantes

Os dous países que entrarán na Unión Europea no 2007, Bulgaria e Romanía, xa aceptaron a Constitución Europea como parte do proceso de admisión.

Parlamento	Data	Resultado	Asinatura do Xefe de Estado
Bulgaria	11 de maio do 2005	Sí: 231 a 1	Sí
Romanía	17 de maio do 2005	Sí: 434 a 0	Sí

Unión Europea
Alemaña | Austria | Bélxica | Chequia | Chipre | Dinamarca | Eslovaquia | Eslovenia | España | Estonia | Finlandia | Francia | Grecia | Hungría | Irlanda | Italia | Letonia | Lituania | Luxemburgo | Malta | Países Baixos | Polonia | Portugal | Reino Unido | Suecia
Membros desde o 1 de xaneiro de 2007:
Bulgaria | Romanía
Países candidatos:
Croacia | Macedonia | Turquía