Caseo
De Wikipedia, le encyclopedia libere
Le caseo es un alimento solide facite del lacte de vaccas, capras, oves, o altere mammales. Le lacte es coagulate per le uso de coalio e pote esser fermentate. Le caseo es un alimento ric in calcium.
Tabula de contento |
[modificar] Historia
Le caseo es un alimento antique cuje origines pote esser plus vetere que le historia scripte. Probabilemente discoperite in Asia Central o le Oriente Medie, le manufactura de caseo se extendeva a Europa e deveniva un arte sophisticate in le tempore del Imperio Roman. Con le recession de Roma, technicas local distincte se evolveva. Iste diversitate attingeva su apogeo in le initio del Era Industrial post que illo declinava un pauc (primarimente a causa del fabrication industrial e factores economic).
[modificar] Typos de caseo
Non existe un singule schema de classification de omne caseos del mundo, sed un schema popular es le sequente.
[modificar] Caseos fresc
Pro le caseos le plus simple, le caseo es coagulate e disaquate, con pauc processamento ulterior. Exemplos son cottage cheese, Neufchâtel (le modello pro le cream cheese american) e le chèvre del fresc lacte de capras. Mozzarella es etiam de iste typo.
[modificar] Distinctivemente vetule
Caseos como Brie e Camembert es facite per elevar Penicillium candida o Penicillium camemberti mucor in le exterior del caseo durante alicun dies. Le mucor forma un crusta blanc e contribue al textura e gusto del caseo.
Le caseos con venas blau como Gorgonzola, Roquefort e Stilton es facite per inocular le mucor Penicillium roqueforti o Penicillium glaucum in le caseo. Iste typo de caseo ha sapores distincte.
