Europa (kevandir)

Diwar Wikipedia, an holloueziadur digor

Ar pennad-mañ n'eo ket peurechu c'hoazh ; ma fell deoc'h labourat warnañ deuit da welout ha lakait hoc'h ali e pajenn ar gaozeadenn.

Europa gwelet eus an egor

Ur c'hevandir eo Europa, hervez lod ne vefe nemet un iskevandir eus an hollad brasoc'h a vez graet Eurazia anezhañ.

[kemmañ] Orin an anv

Dont a ra an anv eus ar briñsez Europa, merc'h d'ar roue Sidon hag honnezh, hervez ar vitologiezh c'hresian, a oa bet skrapet gant Zeus peogwir e vage-eñ karantez outi. Europa ne gredas ket nac'h mont war gein an doue en doa kemeret stumm un tarv kaer ha jentil-tre. Ober a reas Zeus ul lamm war-c'horre ar mor betek enez e c'hanedigezh, Kreta. Eno e c'hanas Europa Minos ha Rhadamantos, barnerien ar re varv. Roet e voe anv Europa d'ar c'hevandir a oa chomet dizanv c'hoazh hervez ur soñj c'hoarvezet d'ar briñsez pa oa ur grennardez anezhi.

[kemmañ] Douaroniezh

Lec'hiadur Europa

[kemmañ] Bevennoù Europa

Dre m'eo Europa un iskevandir muioc'h eget ur c'hevandir eeun eo kemm-digemm ar bevennoù anezhi. Evit an douaroniezh e heuilh he bevennoù ar Mor Kreizdouar, strizh-mor Bosfor, Menez Elbruz, ha Menez-Oural. Evit abegoù politikel ha sevenadurel eo ledetoc'h Europa a-wechoù.

Europa: (e gwer) Europa; (glas-sklaer) Astenn en Azia eus Stadoù a zo lodek en Europa; (glas-teñval) Armenia ha Kiprenez, a zo en Azia, met ezel int eus Kuzul Europa.

[kemmañ] Istor

[kemmañ] Ragistor

E Breizh eo bet kavet ar roudenn goshañ (war-dro 400 000 bloaz 'zo) lezet gant un tan graet gant un den (mougev Menez Dregan war an aod e Ploeneg).

[kemmañ] Krennamzer

Kalz brezelioù a zo etre broioù Europa.

[kemmañ] Istor nevez

Peogwir o deus bet c'hoant da berc'hennañ kalz broioù all war ar bed eo en em gannet broioù Europa kenetrezo. Se eo abeg ar c'hentañ brezel-bed. Pa voe echu ar brezel-mañ, emañ izelaet ha mezhekaet Bro-Alamagn gant Bro-C'hall. Setu perak e komañs ur brezel-bed nevez.
Ur wech echu an eil brezel-bed, setu troc'het Europa etre Europa ar C'hornôg, eus tu an Amerikaned hag Europa ar Reter eus tu an Unaniezh Soviedel.
Kroget e voe da unvaniñ broioù Europa ar c'hornôg goude an eil brezel-bed. E dibenn an XX^vet kantved ez a d'ar strad ar bed komunist; setu perak e vez klasket bremañ unaniñ broioù Europa ar reter gant reoù ar c'hornôg.

[kemmañ] Gwelet ivez

[kemmañ] Web

*Evropa / Europa / Europe

Kevandirioù ha rannvedoù
Norzhamerika	Europa	Eurazia	Azia
Amerikaoù	Eurafrazia	Okeania	Aostralia
Suamerika	Afrika	Antarktika	Gourgevandirioù kozh : Gondwana • Laurazia • Pangea • Rodinia