Неон

Од Википедија, слободна енциклопедија

Неон.

Неон (грчки νέος што значи "нов") е хемискиот елемент во периодниот систем со симболот Ne и атомскиот број 10. Како безбоен, речиси инертен благороден гас, неонот дава посебна црвеникава светлина кога се користи во вакуумските разелектризирани цевки и неонските лампи. Тој се наоѓа во трагови во воздухот. Неонот е најсветлиот благороден гас.

[уреди] Примена

Неонот се користи во знаковите и произведува фина портокалова светлина. Сите други бои се произведуваат со користење на пареи од жива кои го ексцитираат фосфорот по пат на флуоресценција.

Црвенкасто-портокаловата боја која неонот ја емитува кај неонските лампи се користи за правење на неонски знаци. Зборот "неон" исто така се користи и како генеричко име за овие типови на светла, иако се користат многу други гасови за да се произведат различни бои на светлината. Други примени:

• вакуумски цевки
• високоволтажни индикатори
• телевизиски цевки
• неонот и хелиумот се користат за производство на еден вид гасен ласер
• во ладилниците.

[уреди] Историја

Неонот бил откриен од шкотскиот хемичар Вилијам Ремзи и англискиот хемичар Морис Траверс во 1898 година.

[уреди] Наоѓање

Неонот е едноатомен гас при стандардни услови. Неонот е редок, а се наоѓа во Земјината атмосфера како еден дел на секои 65,000 и индустриски се добива со криогена фракциона дестилација на втечнет воздух.

[уреди] Соединенија

Јоните Ne⁺, (NeAr)⁺, (NeH)⁺ и (HeNe⁺) се откриени при оптички и масено спектрометриски истражувања. Неонот образува и нестабилни хидрати.