Ucraína - Україна

Na Galipedia, a wikipedia en galego.

Україна
Ukrayina
Ucraína


(Imaxe Ampliada)

Lema: "Volia, Zlahoda, Dobro"
(Ucraniano: Liberdade, Concordia, Bondade)

Primeiro ministro

Área
- Total
- % auga

43º maior
603.700 km²
Insignificante

Poboación
- Total (2005)
- Densidade

24º mais populoso
47.425.336
80 /km²

Independencia
- Data

da Unión Soviética
24 de agosto de 1991

Moeda

Hryvnia

Fuso horario

UTC +2

Himno nacional

Sche ne vmerla Ukraina

TLD (Internet)

.UA

Código telefónico

380

A Ucraína é unha nación eslava situada, en liñas xerais, entre os Mares Negro e o Azov e o Río Prepiat, entre as Planicies Húngaras, a foz do Danubio e o Río Don. Os ríos Dnipró e o Dniester son, e sempre foron, os límites xeográficos centrais da Ucraína. A cidade de Kiev é a vella capital e o centro da vida cultural ucraniana. Sendo así, a Ucraína confina ao sur cos mares Negro e Azov ; ao sudoeste coa Moldavia, Romanía, Hungría e Eslovaquia; ao oeste coa Polonia e Bielorrusia; ao norte coa Rusia; a leste o limite da Ucraína atinxe case as estepas do Volga e a rexión caucásica. Esténdese por un territorio xeográfico de 603.700 km² e un território etnográfico mixto de 945.000 km², a Ucraína é o segundo maior país da Europa (apenas ficando atrás da Rusia).

A poboación actual da Ucraína sitúase en case 48 millóns de habitantes.

[editar] Clima

Estando situada entre os paralelos 43o e 53o do Polo Norte, o seu clima, nas rexións setentrionais, é temperado frío. Os invernos son longos e rigorosos, co solo recoberto de neve. Na primavera os ríos corren engorxitados, gorgolexando a auga do dexelo. No sur o clima é mais ameno. O estío é mais longo. O chan quence. O clima tórnase mediterráneo. O Mar Negro anúnciase coas súas praias piscosas coas “flechas’’ de area e de saibro retendo por veces, atrás de si, pantanos salgados. Na produción de trigo, cebada e remolacha, a Ucraína ocupa o terceiro lugar no mundo. Alén da cultura de cereais e da produción pecuaria, a Ucraína destaca polas ricas reservas de minerais, sobretodo de carbón, ferro e manganeso.

[editar] Historia

Gran parte do territorio actual da Ucraína, nomeadamente a provincia da Galiza, pertenceu ata ao inicio do século XX ao Imperio Austro-Húngaro. No século XX será parte da URSS como a República Socialista Soviética de Ucraína.

[editar] Xeografia

Mapa da Ucraína

A paisaxe ucraniana consiste principalmente de planicies fértiles ou estepas e planaltos, atravesados por ríos como o Dniepr, Donets, Dnister Bug do Sur, que escoan para o Mar Negro e para o pequeno Mar de Azov. A sudoeste, o delta do Danúbio serve de fronteira coa Romanía. Só se encontran montañas na cordilleira ocidental dos Cárpatos, dos cales o pico mais alto é o Hora Hoverla con 2,061 m, e na península da Crimea no extremo sur, ao longo da costa.

A Ucraína tén un clima temperado continental, aínda que se atopa un clima mais mediterraneo na costa sur da Crimea. A precipitación está distribuída desproporcionadamente: é maior no oeste e no norte e menor no sur e no leste. Os invernos varían de frescos ao longo da costa do Mar Negro a fríos no interior. Os veráns son mornos na maior parte do país, mais en xeral quentes no sur.

[editar] Cidades Principais

Dnipropetrovsk
Donetsk
Kiev

[editar] Economia

A exploración intensiva dos solos negros e fertiles do cinto agrícola ucraniano tornaron o país nun gran produtor de trigo e remolacha. Outros cultivos importantes són: cebada, millo, leguminosas, pataca, avea, centeo, painzo e trigo sarraceno. Os principais cultivos industriais són as de remolacha e de semente de xirasol. Cultívanse tamén frutas e hortalizas nos arredores das grandes cidades. A cría de gando bovino e suino dáse en todo o pais.

A Ucraína conta con ricos xacimentos de manganeso no Donbas. Esa rexión é o centro industral do país e un dos principais complexos minero-metalúrxicos e de industria pesada da Europa. A Ucraína é tamén un importante productor de gas natural e de petróleo, aínda que as reservas deses combustíbeis fósiles teñan sido excesivamente exploradas durante o período soviético.

O Donbas apresenta tamén industrias metalúrxicas altamente desenvolvidas, que producen ferro e aceiro en grandes cantidades.