Organización de les Naciones Uníes
De Uiquipedia
La Organización de les Naciones Uníes (ONU) o Naciones Uníes, fundada'l 24 d'ochobre de 1945 en San Francisco, (Estaos Uníos), tres la fin de la Segunda Guerra Mundial, ye la mayor organización internacional del mundu.
Tabla de conteníos |
[editar] Orixe
El primer períodu de sesiones de l'Asamblea Xeneral celebróse'l 10 de xineru de 1946 en Central Hall Westminster (Londres). Anguaño la sede ta na ciudá de Nueva York. L'antecesora de les Naciones Uníes foi la Sociedá de Naciones, organización fundada tres la Primera Guerra Mundial en 1919, pa promover la cooperación internacional y conseguir la paz y la seguridá. Son miembros de les Naciones Uníes toos los países soberanos reconocios internacionalmente, esceuto el Vaticano, que ye observador, y Taiwán, al reclamar el puestu de China. Suiza nun ingresó fasta hai bien poco. En xunu de 2006, la Organización tenía 192 Estaos Miembros.
Unu de los finxos de la Organización foi la Declaración Universal de los Derechos Humanos, en 1948.
[editar] Antecedentes ya Historia
La idea de les Naciones Uníes foi ellaborada na declaración, firmada durante la Segunda Guerra Mundial, na conferencia d'aliaos celebrada en Moscú en 1943. Franklin Delano Roosevelt, foi el que suxirió el nome de "Naciones Uníes", qu'hasta entós yera sinónimu de los aliaos. El 25 d'abril de 1945 celebrose la primera conferencia en San Francisco (la Conferencia de les Naciones Uníes sobre Organización Internacional). El 26 de xunu les 50 naciones representaes na conferencia firmaron la Carta de les Naciones Uníes. Polonia, que nun tuvo representada na conferencia, añadió el so nome más tarde, pa un total de 51 Estaos.
Les Naciones Uníes entamaron la so esistencia el 24 d'ochobre de 1945, tres la ratificación de la Carta polos entós cinco miembros permanentes del Conseyu de Seguridá (China, Francia, Unión Soviética, el Reinu Uníu y los Estaos Uníos) y la gran mayoría de los otros 46 miembros.
Anguaño los únicos que tienen vetu nes decisiones son los cinco miembros permanentes del Conseyu de Seguridá: Estaos Uníos, Rusia, Francia, Reinu Uníu y China.
[editar] Idiomes oficiales
Les Naciones Uníes tienen seis idiomes oficiales: árabe, chinu, español, francés, inglés y rusu. Cuasi toes les reuniones oficiales son interpretaes (tornaes al empar) en toos estos idiomes, asina como son traducíos toos los documentos oficiales, en formatu impresu o electrónicu. Los principales idiomes de trabayu de les Naciones Uníes son el francés y l'inglés.
[editar] Sistema de les Naciones Uníes
| Estaos Uníos | 22 % |
| Xapón | 19,51 % |
| Alemaña | 9,76 % |
| Francia | 6,46 % |
| Reinu Uníu | 5,53 % |
| Italia | 5,06 % |
| Canadá | 2,55 % |
| España | 2,51 % |
| Brasil | 2,39 % |
| Corea del Sur | 1,85 % |
| Países Baxos | 1,73% |
| Australia | 1,62 % |
| China | 1,53 % |
| Suiza | 1,27 % |
| Rusia | 1,20 % |
| Bélxica | 1,12 % |
| México | 1,08 % |
| Suecia | 1,02 % |
Los muérganos de les Naciones Uníes son:
- L'Asamblea Xeneral
- El Conseyu de Seguridá
- El Conseyu Económicu y Social
- El Conseyu d' Alministración Fiduciaria
- La Corte Internacional de Xusticia
- La Secretaría
El Sistema de les Naciones Uníes ta organizáu de la siguiente manera (magar que les sigles varíen según los idiomes oficiales de les Naciones Uníes):
[editar] Programes y organismos
- ACNUR, Oficina del Altu Comisionáu de les Naciones Uníes pa los Refuxaos.
- CCI, Centru de Comerciu Internacional, UNCTAD/OMC.
- PMA, Programa Mundial d'Alimentos
- PNUAH, Programa de les Naciones Uníes pa los Asentamientos Humanos, ONU-Hábitat.
- PNUD, Programa de les Naciones Uníes pa'l Desendolcu.
- PNUFID, Programa de les Naciones Uníes pa la Fiscalización Internacional de Drogues.
- PNUMA, Programa de les Naciones Uníes pa'l Mediu Ambiente.
- UNCTAD, Conferencia de les Naciones Uníes sobre Comercio y Desendolcu.
- UNICEF, Fondu de las Naciones Uníes pa la Infancia.
- UNIFEM, Fondu de Desendolcu de les Naciones Uníes pa la Muyer.
- VNU, Voluntarios de les Naciones Uníes.
[editar] Otros organismos de les Naciones Uníes
- OACDH, Oficina del Altu Comisionáu de les Naciones Uníes pa los Derechos Humanos.
- ONUSIDA, Programa Conxuntu de las Naciones Uníes sobre'l VIH/SIDA.
- UNOPS, Oficina de les Naciones Uníes de Servicios pa Proyeutos.
- UNSSC, Escuela Superior del Sistema de las Naciones Uníes.
- UNU, Universidá de les Naciones Uníes.
[editar] Institutos d'investigación y capacitación
- INSTRAW, Institutu Internacional d'Investigación y Capacitación pa la Promoción de la Muyer.
- UNICRI, Institutu Interrexonal pa Investigaciones sobre la Delincuencia y la Xusticia.
- UNIDIR, Institutu de les Naciones Uníes d'Investigación sobre'l Desarme.
- UNITAR, Institutu de les Naciones Uníes pa Formación Profesional ya Investigaciones.
- UNRISD, Institutu de les Naciones Uníes d'Investigación pal Desendolcu Social.
[editar] Comisiones orgániques
- Comisión de Ciencia y Teunoloxía pa'l Desendolcu
- Comisión de Derechos Humanos
- Comisión de Desendolcu Rural
- Comisión d'Estadística
- Comisión d'Estupefacientes
- Comisión de la Condición Xurídica y Social de la Muyer
- Comisión de Población y Desendolcu
- Comisión de Prevención del Delitu y Xusticia Penal
- Comisión sobre'l Desendolcu Sostenible
[editar] Comisiones rexonales
- CECE, Comisión Económica pa Europa.
- CEPA, Comisión Económica p'África.
- CEPAL, Comisión Económica p'América Llatina y el Caribe.
- CESPAC, Comisión Económica p'Asia Occidental.
- CESPAP, Comisión Económica y Social p'Asia y el Pacíficu.
- Foru de les Naciones Uníes sobre les Viesques.
[editar] Organismos conectaos
- CTBTO, Comisión Preparatoria de la Organización del Tratáu de Prohibición de los Ensayos Nucleares.
- OIEA, Organismu Internacional d'Enerxía Atómica
- OMC, Organización Mundial del Comerciu.
- OMT, Organización Mundial del Turismu.
- OPAC, Organización pa la Prohibición de les Armes Químiques.
[editar] Organismos especializaos
- FAO, Organización de las Naciones Uníes pa l'Agricultura y l' Alimentación.
- FMI, Fondu Monetariu Internacional.
- FIDA, Fondu Internacional de Desesendolcu Agrícola.
- Grupu del Bancu Mundial
- AIF, Asociación Internacional de Fomentu.
- BIRF, Banco Internacional de Reconstrucción y Fomentu.
- CFI, Cooperación Financiera Internacional.
- CIIDI, Centru Internacional d'Igües de Diferencies Relatives a Inversiones.
- OMGI, Organismu Multillateral de Garantía d'Inversiones.
- OACI, Organización d'Aviación Civil Internacional.
- OIT, Organización Internacional del Trabayu.
- OMI, Organización Marítima Internacional.
- OMM, Organización Meteorolóxica Mundial.
- OMPI, Organización Mundial de la Propiedá Intelectual.
- OMS, Organización Mundial de la Salú.
- ONUDI, Organización de les Naciones Uníes pal Desendolcu Industrial.
- UIT, Unión Internacional de Telecomunicaciones.
- UNESCO, Organización de les Naciones Uníes pa la Educación, la Ciencia y la Cultura.
- UPU, Unión Postal Universal.
