Hłowna strona/naćisk

Z Wikipedije, swobodneje encyklopedije

Witajće do Wikipedije, swobodneje encyklopedije!

Projekt Wikipedija chce stworić najwjetšu wjelerěčnu, wšitkim přistupnu online-encyklopediju.

Kóždy móže so wobdźělić – tež ty!

Bjez kóždychžkuli formalnosćow móžeš nowe nastawki spisać a nastawki wobdźěłać. Wikipedija je natwarjena na zasadach GNU-Licency. Tuchwilu wobsahuje serbska wikipedija 4.884 nastawkow. Zwostanje potajkim hišće tójšto dźěła. Pomhaj nam, zo by naša encyklopedija dale rostła!

Sy wutrobnje přeprošeny(a), prašenja w korčmje stajić. Tež za bjesadu budźe tam čas. Zasady a směrnicy projekta móžeš na stronje Wikipedija:Prawidła čitać. Dalše pokiwy namakaš w našim pomocnym systemje.

Kak móžeš so wobdźělić? Móžeš na přikład na „čerwjene wotkazy” deleka kliknyć a nastawki pisać. Móžeš tež při tym pomhać, nastawki ze serbskej tematiku z němskorěčneje Wikipedije a druhich Wikipedijow přełožować abo přełožować dać a je jow załožić. Zo by so GNU-licenca dodźeržała, dyrbi so při tym 3–5 tamnišich t. mj. hłownych awtorow mjenować. Hlej k tomu tež tutón edit.

Pomoc dóstanjeće tež w IRC-kanalu wikipedia-hsb.

[wobdźěłać]

Nowinki

wobdźěłać

Wulkotna nowinka! Delnjoserbska Wikipedija je skónčnje załožena! Wutrobne zbožopřeće a wjele wuspěcha našim delnjoserbskim přećelam za jich dźěło!

Hornjoserbski Wikisłownik je nětko oficialny projekt załožby Wikimedia a pod adresu hsb.wiktionary.org přistupny. Do dźěła zdar!

[wobdźěłać]

Nastawk měsaca

Slepjanska narěč je serbska přechodna narěč w regionje na sewjerowuchodnej periferiji Sakskeje. Slepjanski region z relatiwnej rěčnej a kulturnej samostatnosću je dźensa dźěl Delnjošlesko-hornjołužiskeho wokrjesa Swobodneho stata Sakskeje, mjezuje pak bjezposrědnje z Braniborskej. K Slepjanskej wosadźe słuša sydom dwurěčnych wsow: Slepo, Dźěwin, Brjezowka, Trjebin, Miłoraz, Rowno a Mułkecy. K wosadźe słuša tohorunja nětko němskorěčny Lisk (Lieskau), kiž leži hižo w Braniborskej.

Slepjanska narěč rěči so jenož w horjeka mjenowanych sydmich dwurěčnych wsach, na sewjeru přizamknje so Wuchodna Gródkowska narěč, na wuchodźe Mužakowska narěč, na juhu Wochožanska narěč a na zapadźe Sprjejčanska narěč. Najbliše přiwuznistwo wobsteji k Mužakowskemu dialektej, kiž je dźensa nimale hižo wotemrěty.

wjace

[wobdźěłać]

Zajimawosće

wobdźěłać

Wěš, zo ...

Ćežka woda je słabje jědojta.
Najwjace rěčow ma znajmjeńša jednu nosowku.

[wobdźěłać]

Róčnicy

wobdźěłać

3. 3. 1816 Jan Arnošt Smoler so narodźił • 10. 3. 1854 Arnošt Muka so narodźił • 12. 3. 2006 Jurij Brězan zemrěł • 13. 3. 1901 Hanka Krawcec so narodźiła • 16. 3. 1986 Michał Nawka zemrěł • 18. 3. 1937 zakaz Domowiny přez nacionalsocialistow • 19. 3. 1805 Pětr Młónk so narodźił • 23. 3. 1948 Zakoń za zachowanje prawow serbskeje ludnosće přez Sakski sejm schwaleny • 28. 3. 1825 Křesćan Bohuwěr Pful so narodźił