ഫെബ്രുവരി 23
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഗ്രിഗോറിയന്‍ കലണ്ടര്‍ പ്രകാരം ഫെബ്രുവരി 23 വര്‍ഷത്തിലെ 54-ാം ദിനമാണ്.
ഉള്ളടക്കം |
[തിരുത്തുക] ചരിത്രസംഭവങ്ങള്‍
- 1455 - ഗുട്ടന്‍ബര്‍ഗ് ബൈബിളിന്റെ പ്രസിദ്ധീകരണം.
- 1660 - ചാള്‍സ് പതിനൊന്നാമന്‍ സ്വീഡന്റെ രാജാവായി.
- 1847 - മെക്സിക്കന്‍ അമേരിക്കന്‍ യുദ്ധം: ബ്യൂന വിസ്റ്റ യുദ്ധം - ജനറല്‍ സക്കാറി ടൈലറുടെ നേതൃത്വത്തിലുള്ള അമേരിക്കന്‍ സേന മെക്സിക്കന്‍ ജനറല്‍ ആന്റോണിയോ ലോപസ് സാന്റാ അന്നായെ പരാജയപ്പെടുത്തി.
- 1903 - ഗ്വോണ്ടനാമോ ഉള്‍ക്കടല്‍, ക്യൂബ അമേരിക്കക്ക് എന്നെന്നേക്കുമായി പാട്ടത്തിനു നല്‍കി.
- 1904 - പത്തു ദശലക്ഷം അമേരിക്കന്‍ ഡോളറിന്‌ അമേരിക്ക പനാമ കനാല്‍ മേഖലയുടെ നിയന്ത്രണം സ്വന്തമാക്കി.
- 1917 - റഷ്യയില്‍ ഫെബ്രുവരി വിപ്ലവത്തിന്റെ തുടക്കം. സെയിന്റ് പീറ്റേഴ്സ് ബര്‍ഗ്ഗില്‍ പ്രകടനം ആരംഭിച്ചു.
- 1918 - കൈസറുടെ ജര്‍മ്മന്‍ സേനക്കെതിരെ ചെമ്പടയുടെ ആദ്യവിജയം. 1923 മുതല്‍ ഈ ദിവസം ചെമ്പട ദിനമായി ആചരിക്കുന്നു.
- 1919 - ബെനിറ്റോ മുസ്സോളിനി ഇറ്റലിയില്‍ ഫാസിസ്റ്റ് പാര്‍ട്ടിക്ക് രൂപം നല്‍കി.
- 1934 - ലീയോപോള്‍ഡ് മൂന്നാമന്‍ ബെല്‍ജിയത്തിന്റെ രാജാവായി.
- 1941 - ഗ്ലെന്‍ ടി. സീബോര്‍ഗ്, പ്ലൂട്ടോണിയം ആദ്യമായി വേര്‍തിരിച്ചു.
- 1947 - ഇന്റര്‍നാഷണല്‍ ഓര്‍ഗനൈസേഷന്‍ ഫോര്‍ സ്റ്റാന്‍ഡാര്‍ഡൈസേഷന്‍ (ഐ.എസ്.ഒ.) സ്ഥാപിതമായി.
- 1955 - ദക്ഷിണപൂര്‍‌വേഷ്യന്‍ ട്രീറ്റി ഓര്‍ഗനൈസേഷന്റെ (സീറ്റോ) ആദ്യ സമ്മേളനം.
- 1958 - അഞ്ചു തവണ ലോക ഡ്രൈവിങ് ചാമ്പ്യനായ ജ്യുവാന്‍ മാനുവല്‍ ഫാന്‍ഗിയോയെ ക്യൂബന്‍ വിമതര്‍ തട്ടിക്കൊണ്ടുപോയി.
- 1966 - സിറിയയില്‍ പട്ടാളം അധികാരം പിടിച്ചെടുത്തു.
- 1975 - ഊര്‍ജ്ജപ്രതിസന്ധിയെത്തുടര്‍ന്ന് അമേരിക്കയില്‍ ഡേ ലൈറ്റ് സേവിങ് ടൈം ഏകദേശം രണ്ടു മാസം നേരത്തെ നടപ്പിലാക്കി.
- 1991 - തായ്‌ലന്റില്‍ ഒരു രക്തരഹിതവിപ്ലവത്തിലൂടെ ജനറല്‍ സുന്തോണ്‍ കോങ്സോം‌പോങ് പ്രധാനമന്ത്രി ചാറ്റിചയി ചൂന്‍‌ഹവാനിനെ അധികാരഭ്രഷ്ടനഅക്കി.
- 1997 - റഷ്യന്‍ ശൂന്യാകാശനിലയമായ മിറില്‍ ഒരു വന്‍ തീപിടുത്തം സംഭവിച്ചു.
- 1998 - എല്ലാ ജൂതന്മാര്‍ക്കും കുരിശുയുദ്ധക്കാര്‍ക്കുമെതിരെ ജിഹാദ് നടത്തുന്നതിന്‌ ഒസാമ ബിന്‍ ലാദന്‍ ഒരു ഫത്വ പുറപ്പെടുവിച്ചു.
- 1999 - ഓസ്ട്രിയന്‍ ഗ്രാമമായ ഗാല്‍റ്റര്‍ ഒരു മഞ്ഞിടിച്ചില്‍ നശിച്ചു. 31 പേര്‍ മരിച്ചു.
- 2007 - ജപ്പാന്‍ തങ്ങളുടെ നാലാമത് ചാരഉപഗ്രഹം വിക്ഷേപിച്ചു.
